ફેરફાર / બદલાઈ જશે તમારા વ્હીકલના હોર્નનો અવાજ, ગડકરીએ જુઓ આજે ફરી શું જાહેરાત કરી

• નીતિનએ કરી જાહેરાત 
• બદલાઈ જશે તમારા હોર્નનો અવાજ 
• જાણો શું થશે ફેરફાર 

ટ્રાન્સપોર્ટ મંત્રી નીતિન ગડકરીએ સોમવારે કહ્યું કે તે એક એવો કાયદો લાવવાની યોજના બનાવી રહ્યા છે જે હેઠળ વાહનોના હોર્નની જગ્યા પર મ્યુઝિક ઈન્સ્ટ્રૂમેન્ટના અવાજનો ઉપયોગ કરવામાં આવે. તેમણે કહ્યું કે તે એમ્બ્યુલન્સ અને પેલીસની ગાડીઓ દ્વારા ઉપયોગ કરવામાં આવતા વાહનો સાયરનનો અભ્યાસ કરી રહ્યા છે અને તે આકાશવાણી પર વગાડવામાં આવતા વધુ કર્ણપ્રિય ધૂનમાં બદવા પર વિચાર કરી રહ્યા છે. 

એમ્બ્યુલન્સના સાયરન માટે પણ લેવાઈ શકે નિર્ણય
ગડકરીએ કહ્યું કે તેમણે લાલ બત્તી બંધ કરી દીધી છે.  તેમણે જણાવ્યું, "હવે હું આ સાયરનને પણ બંઘ કરવા માંગુ છું. હવે હું એમ્બ્યુલન્સ અને પોલીસ દ્વારા વગાડવામાં આવતા સાયરનનો અભ્યાસ કરી રહ્યો છું." તેમણે જણાવ્યું કે, "એક કલાકારે આકાશવાળી માટે એક ધૂન બનાવી અને તેને સવાર સવારમાં વગાડવામાં આવી. હું તે ધૂનને એમ્બ્યુલન્સ માટે ઉપયોગ કરવાનો વિચાર કરી રહ્યો છું જેથી લોકોને સારૂ લાગે. ખાસ કરીને મંત્રીઓના પસાર થતી વખતે મોટાભાગે સાયરનના અવાજનો ઉપયોગ કરવામાં આવે છે જે ખૂબ પરેશાન કરનાર છે. તેનાથી કાનને પણ નુકસાન પહોંચે છે."

We're thinking of bringing a law under which use of sound of Indian musical instruments like harmonium, tabla,etc as a horn for vehicles will be compulsory. Sirens of ambulances&police vehicles will also be replaced with soothing sounds: Union Min Nitin Gadkari in Nashik on Oct 3 pic.twitter.com/FbVY1t4WpC

— ANI (@ANI) October 5, 2021

ગડકરીએ કહ્યું કે હું તેનો અભ્યાસ કરી રહ્યો છું અને ટૂંક સમયમાં જ આ કાયદો બનાવવાની યોજના બનાવી રહ્યો છું. કોઈ પણ વાહનના હોર્નથી ભારતીય સંગીત વાદ્યયંત્રોનો અવાજ આવે છે. જેથી તેમને સાંભળવું કર્ણપ્રિય રહે. જેવા કે વાંસળી, તબલા, વાયલન, હારમોનિયમ.

ગડકરીનું નિવેદન સોશિયલ મીડિયા પર વાયરલ 
ગડકરીના આ હોર્નનો સાઉન્ડ બદલવાના નિવેદન પર સોશિયલ મીડિયા પર ભારે ચર્ચા થઈ રહી છે. લોકો તેના પર પોતાની ક્રિએટિવિટી દર્શાવતા રિએક્શન આપ્યા છે. સોશિયલ મીડિયા પર યુઝર્સ અલગ અલગ પ્રકારના વીડિયો અને જોક્સની સાથે ગડકરીના નિવેદનને પોસ્ટ કરી રહ્યા છે.