અપડેટ / WhatsApp લાવશે નવું ફીચર, હવે આપ સ્ટેટસને પણ ડાયરેક્ટ કરી શકશો અહીં શેર

ન્યૂ દિલ્હીઃ વોટ્સએપ એક નવા ફીચરનું પરીક્ષણ કરવા જઇ રહેલ છે કે જે યુઝર્સને પોતાનાં સ્ટેટસને સીધા ફેસબુક અને ઇન્સ્ટાગ્રામ પર શેર કરવાની અનુમતિ આપશે. આ ફીચર વર્તમાનમાં બીટા પ્રોગ્રામનો ભાગ છે અને આ એન્ડ્રોઇડ અને આઇઓએસ પર ઉપલબ્ધ છે.

વોટ્સએપ સ્ટેટસ બિલકુલ ફેસબુક અને ઇનસ્ટાગ્રામ સ્ટોરીની જેમ છે, જે 24 કલાક બાદ પોતાની મેળેજ ગાયબ થઇ જાય છે. મેસેજિંગ એપ વર્તમાનમાં ફેસબુક અને ઇન્સ્ટાગ્રામ પર સીધા સ્ટેટસને શેર કરવાનું પરીક્ષણ કરી રહી છે. આ નવા ફીચરમાં વોટ્સએપ યૂઝર્સને સ્ટેટસ શેર કરવા માટે ફેસબુકની સાથે પોતાનાં એકાઉન્ટને લિંક કરવાની આવશ્યકતા નહીં રહે.

વર્જે પોતાનાં રિપોર્ટમાં કહ્યું કે, ફેસબુક પ્રત્યેક અન્ય એપની જેમ એન્ડ્રોઇડ અને આઇઓએસ પર ડેટા-શેરિંગ એપીઆઇને ઉપલબ્ધ કરાવવાનું કામ કરી રહેલ છે. વોટ્સએપથી પોસ્ટ અથવા સ્ટેટસને ફેસબુકનાં સ્વામિત્વવાળી કોઇ અન્ય એપ પર શેર કરવું કંપનીની સિસ્ટમમાં બે અલગ-અલગ કામ હશે.

ફેસબુક અથવા ઇન્સ્ટાગ્રામ પર વોટ્સએપ સ્ટેટસને શેર કરવું ઓટોમેટિકલી નહીં હોય. યૂઝર્સે પોતાનાં સ્ટેટસ અથવા તો અપડેટ્સને અન્ય એપ્સ, નોન ફેસબુક સર્વિસેઝ જેવાં જીમેઇલ અને ગૂગલ ફોટો સહિત પર પણ શેર કરી શકે છે.

ફેસબુક અને અન્ય સર્વિસેઝ પર વોટ્સએપ સ્ટેટસને શેર કરવાનું પગલું ઇન્સ્ટાગ્રામ સહિત ત્રણ સર્વિસોની વચ્ચે કનેક્ટિવિટી લાવવાનું છે. આ પહેલાં ફેસબુકનાં સીઇઓ માર્ક ઝુકરબર્ગે કહ્યું હતું કે, કંપનીનું લક્ષ્ય ત્રણેય એપ માટે એક સિંગલ બેકએંટ ઇન્ફ્રાસ્ટ્રક્ચર બનાવવાનું છે.

કંપની વોટ્સએપ સ્ટેટસ પર 2020માં એડવરટાઇઝમેન્ટને રજૂ કરવાની યોજના બનાવી રહી છે. નેધરલેન્ડમાં આયોજિત વાર્ષિક ફેસબુક માર્કેટિંગ સંમેલનમાં ફેસબુકે એ વાતનો ખુલાસો કર્યો કે ઇન્સ્ટાગ્રામ અને ફેસબુક સ્ટોરીની જેમ વોટ્સએપ સ્ટેટસની વચ્ચે પણ જાહેરાત દેખાડાશે.