મનોરંજન / Buy 1, Get 1 Free ટિકિટ ઑફર, 22 વર્ષ બાદ આવતીકાલે પુન: સિનેમાઘરોમાં રિલીઝ થશે 'Gadar' એક પ્રેમકથા

• ગદર એક પ્રેમ કથાએ બોક્સ ઓફિસ પર ધમાલ મચાવી હતી
• ફિલ્મ 'ગદર' ફરી એકવાર સિનેમાઘરોમાં આવવા જઈ રહી છે
• નિર્માતાઓએ 'બાય 1 અને ગેટ 1 ફ્રી' ઓફર પણ આપી છે

22 વર્ષ પહેલા રિલીઝ થયેલી ગદર એક પ્રેમ કથાએ બોક્સ ઓફિસ પર ધમાલ મચાવી હતી.નિર્માતાઓ તેનો ભાગ 2 બનાવવાની તૈયારી કરી રહ્યા છે.દર્શકો તેની આતુરતાથી રાહ જોઈ રહ્યા છે.આ દરમિયાન સિનેમા પ્રેમીઓ માટે એક સારા સમાચાર છે. ગદર 2 ની રિલીઝ પહેલાં ફિલ્મના ભાગ 1 ની યાદોને તાજી કરવાનો મોકો મળશે. જણાવી દઈએ કે સની દેઓલ અને અમીષા પટેલ સ્ટારર ફિલ્મ 'ગદર' ફરી એકવાર સિનેમાઘરોમાં આવવા જઈ રહી છે.

ફિલ્મ 'ગદર-2'ની રિલીઝ પહેલા મેકર્સે વર્ષ 2001માં આવેલી આ બ્લોકબસ્ટર ફિલ્મ ગદરને ફરી એકવાર દર્શકો માટે રીલીઝ કરવાનો નિર્ણય લીધો છે. જણાવી દઈએ કે આ ફિલ્મ 9મી જૂન (શુક્રવાર)ના રોજ સિનેમાઘરોમાં રિલીઝ થવા જઈ રહી છે. આ સાથે જ જે લોકો આ ફિલ્મ જોવાનું પ્લાનિંગ કરી રહ્યા છે તેમના માટે એક સારા સમાચાર એ છે કે મેકર્સ આ ફિલ્મ પર વિવિધ ડિસ્કાઉન્ટ ઓફર કરી રહ્યા છે.

 

 

 

 

View this post on Instagram

 

 

 

 

 

 

 

 

 

 

 

A post shared by Viral Bhayani (@viralbhayani)

રિપોર્ટ અનુસાર મેકર્સે નક્કી કર્યું છે કે તેઓ ટિકિટની કિંમત રૂ. 150થી ઉપર જવા દેશે નહીં. એટલે કે, કોઈપણ થિયેટરમાં ફિલ્મ જોવા માટે નિર્માતાઓએ નક્કી કર્યું છે કે દરેક વ્યક્તિએ ફક્ત 150 રૂપિયાની મહત્તમ કિંમતે ટિકિટ વેચવી જોઈએ.આ સાથે જ ફિલ્મની ટિકિટ ખરીદવા પર બીજી ઓફર પણ છે. તમને 'એકટિકિટ પર એક ટિકિટ ફ્રી' મળશે.નિર્માતાઓએ બાય 1 અને ગેટ 1 ફ્રી ઓફર પણ આપી છે. 

એટલે કે આ ફિલ્મ માટે પ્રતિ વ્યક્તિ માત્ર 75 રૂપિયાનો ખર્ચ થશે. જણાવી દઈએ કે 11 ઓગસ્ટના રોજ ફિલ્મ 'ગદર 2 ' રીલિઝ કરતા પહેલા મેકર્સ દર્શકોના મગજમાં જૂની વાર્તાને તાજી કરવા માંગે છે અથવા તો તેમને પાર્ટ-2ની સ્ટોરી રિલેટ કરવામાં કોઈ મુશ્કેલીનો સામનો કરવો નહીં પડે. 

ગદર 2 આ વર્ષે 11 ઓગસ્ટે રિલીઝ થશે.મેકર્સ 15મી ઓગસ્ટે સ્વતંત્રતા દિવસ પર દર્શકોને ફિલ્મ ગિફ્ટ કરવા માંગે છે. બીજા ભાગની વાર્તા 1971ના ભારત-પાકિસ્તાન યુદ્ધ પર આધારિત હશે.