G20 સમિટને સંબોધિત કરતા પ્રધાનમંત્રી મોદીએ જણાવ્યું કે આપણે અફઘાનિસ્તાનને કટ્ટરતાવાદ અને આતંકવાદનો સોર્સ બનતા અટકાવવું પડશે.
G20 સમિટને પ્રધાનમંત્રી મોદીનું સંબોધન
G20 નેતાઓને કરી મોટી અપીલ
અફઘાનને કટ્ટરતાવાદ અને આતંકવાદનો સોર્સ બનતા અટકાવવું પડશે.
ઈટાલીના પ્રધાનમંત્રી મારીઓ ડ્રગી દ્વારા આયોજિત G20 સમિટને વીડિયો કોન્ફરન્સિંગ દ્વારા સંબોધિત કરતા મોદીએ જણાવ્યું કે અફઘાનિસ્તાનની સ્થિતિ સુધારવા માટે UNSC Resolution 2593 આધારિત એક સાર્વત્રિક આંતરરાષ્ટ્રીય રિસ્પોન્સની તાતી જરુર છે.
ભારત દ્વારા અફઘાનિસ્તાનમાં ૫૦૦ થી વધુ વિકાસ પ્રોજેક્ટ્સ અમલમાં મૂકાયા
પ્રધાનમંત્રીએ કહ્યું હતું કે, છેલ્લા બે દાયકામાં ભારતે અફઘાનિસ્તાનમાં યુવાનો અને મહિલાઓના સામાજિક-આર્થિક વિકાસ અને ક્ષમતા નિર્માણમાં ફાળો આપ્યો છે. તેમણે કહ્યું કે ભારત દ્વારા અફઘાનિસ્તાનમાં ૫૦૦ થી વધુ વિકાસ પ્રોજેક્ટ્સ અમલમાં મૂકવામાં આવ્યા છે.
Participated in the G20 Summit on Afghanistan. Stressed on preventing Afghan territory from becoming the source of radicalisation and terrorism.
Also called for urgent and unhindered humanitarian assistance to Afghan citizens and an inclusive administration.
પ્રધાનમંત્રીએ કહ્યું હતું કે, અફઘાન લોકોને ભારત પ્રત્યે મિત્રતાની ભાવના છે. તેમણે કહ્યું કે દરેક ભારતીય ભૂખ અને કુપોષણનો સામનો કરી રહેલા અફઘાન લોકોની પીડા અનુભવે છે. પ્રધાનમંત્રીએ બેઠકમાં સંબોધન દરમિયાન અફઘાન નાગરિકોને તાત્કાલિક અને અવિરત માનવીય સહાય અને સર્વસમાવેશક વહીવટ ની પણ હાકલ કરી હતી. તેમણે કહ્યું હતું કે, આજે આંતરરાષ્ટ્રીય સમાજે કટોકટીના સમયે અફઘાનિસ્તાનના લોકોની સાથે ઉભા રહેવું જોઈએ, તેની સૌથી વધુ જરૂર છે.
આ ઉપરાંત પ્રધાનમંત્રીએ અફઘાન વિસ્તારને કટ્ટરવાદ અને આતંકવાદનો સ્ત્રોત બનતા અટકાવવા પર ભાર મૂક્યો હતો. તેમણે કટ્ટરવાદ, આતંકવાદ અને આ વિસ્તારમાં ડ્રગ્સ અને શસ્ત્રોની હેરાફેરી સામેની સંયુક્ત લડતને આગળ વધારવાની જરૂરિયાત પર પણ ભાર મૂક્યો હતો.