IPLIN
 
  • Home
  • India
  • G20 summit in Kashmir: NSG-Marcos commandos also deployed to guard Srinagar corner

જડબેસલાક સુરક્ષા / કાશ્મીરમાં G20 સમિટ: શ્રીનગરના ખૂણેખૂણા પર જવાનો તૈનાત, NSG-માર્કોસ કમાન્ડો પણ સુરક્ષામાં ઉતર્યા 

Team VTV 12:48 PM, 22 May 23
Follow us
G20 summit in Kashmir: NSG-Marcos commandos also deployed to guard Srinagar corner

G20 Meeting In Kashmir News: શ્રીનગરમાં G20 મીટિંગ પહેલા સુરક્ષા કર્મચારીઓ દ્વારા ચુસ્ત સુરક્ષા સાથે જબરવાન હિલ્સથી શ્રીનગરના દાલ તળાવ સુધીની આંતરરાષ્ટ્રીય સરહદ પર સુરક્ષા કડક

  • જમ્મુ અને કાશ્મીરમાં આજથી જી-20 ટુરિઝમ વર્કિંગ ગ્રુપની મહત્વની બેઠક
  • જમ્મુ-કાશ્મીરમાંથી અનુચ્છેદ 370 હટાવ્યા પછી પહેલો મોટો આંતરરાષ્ટ્રીય કાર્યક્રમ
  • શ્રીનગરમાં G20 મીટિંગ પહેલા સુરક્ષા કર્મચારીઓ દ્વારા ચુસ્ત સુરક્ષા બંદોબસ્ત 

જમ્મુ અને કાશ્મીરમાં આજથી જી-20 ટુરિઝમ વર્કિંગ ગ્રુપની મહત્વની બેઠક યોજાઈ રહી છે. વાત જાણે એમ છે કે, જમ્મુ અને કાશ્મીરમાંથી અનુચ્છેદ 370 હટાવ્યા પછી આ પહેલો મોટો આંતરરાષ્ટ્રીય કાર્યક્રમ છે. આ કાર્યક્રમમાં G-20 દેશોના 60 થી વધુ પ્રતિનિધિઓ ભાગ લઈ રહ્યા છે. શ્રીનગરમાં G20 મીટિંગ પહેલા સુરક્ષા કર્મચારીઓ દ્વારા ચુસ્ત સુરક્ષા સાથે જબરવાન હિલ્સથી શ્રીનગરના દાલ તળાવ સુધીની આંતરરાષ્ટ્રીય સરહદ પર સુરક્ષા કડક કરવામાં આવી છે. 

NSGની ડ્રોન વિરોધી ટીમો આકાશમાંથી નજર રાખી રહી છે, નેવીના મરીન કમાન્ડો દાલ લેક પર પેટ્રોલિંગ કરી રહ્યા છે અને મોટી સંખ્યામાં સુરક્ષાકર્મીઓ જમીન પર ચાંપતી નજર રાખી રહ્યા છે. ત્રણ દિવસીય G20 વર્કિંગ ગ્રુપની ટુરિઝમ વર્કિંગ ગ્રુપ મીટિંગ માટે શ્રીનગર શહેરને સજ્જ કરવામાં આવ્યું છે. હાઈ-પ્રોફાઈલ ઈવેન્ટ શાંતિપૂર્ણ રીતે પાર પડે તે માટે કાશ્મીર ખીણમાં કડક સુરક્ષા વ્યવસ્થા કરવામાં આવી છે.

એરપોર્ટથી શેર-એ-કાશ્મીર ઇન્ટરનેશનલ કન્વેન્શન સેન્ટર સુધી કડક સુરક્ષા 
શ્રીનગર એરપોર્ટથી શેર-એ-કાશ્મીર ઇન્ટરનેશનલ કન્વેન્શન સેન્ટર (SKICC) ખાતે મીટિંગ સ્થળ તરફ જતો રસ્તો G20 લોગોથી પ્લાસ્ટર કરવામાં આવ્યો છે અને પ્રતિનિધિઓના સ્વાગત માટે મોટા હોર્ડિંગ્સ લગાવવામાં આવ્યા છે.

જમ્મુમાં કેવી સુરક્ષા ? 

  • અધિકારીઓએ જણાવ્યું કે એલિટ NSG અને મરીન કમાન્ડો કાર્યક્રમ સ્થળની સુરક્ષામાં પોલીસ અને અર્ધલશ્કરી દળોને મદદ કરી રહ્યા છે.
  • સ્થળની આસપાસના વિસ્તારોમાં માર્ગ પર અને શહેરના સંવેદનશીલ સ્થળોએ મોટા પાયે સ્વચ્છતા અભિયાન હાથ ધરવામાં આવ્યું છે. પરેશાની રહિત કાર્યક્રમને સુનિશ્ચિત કરવા માટે મોટી સંખ્યામાં સુરક્ષા દળોને તૈનાત કરવામાં આવ્યા છે. 
  • કોઈપણ વિસ્ફોટક અથવા આઈઈડીની તપાસ માટે સ્કેનર અને સ્નિફર ડોગ્સ તૈનાત કરવામાં આવ્યા છે.
  • શહેરમાંથી પસાર થતા વાહનોનું સઘન ચેકિંગ કરવામાં આવી રહ્યું છે જેથી કરીને કોઈ વિધ્વંસક તત્વો શહેરમાં પ્રવેશ ન કરે. 
  • પ્રશાસન દ્વારા ભવ્ય આયોજન માટે તમામ પ્રયાસો કરવામાં આવી રહ્યા છે.
  • આકાશમાંથી એનએસજીની એન્ટી ડ્રોન ટીમ, દાલ લેકમાંથી નેવીના મરીન કમાન્ડો અને જમીન પર મોટી સંખ્યામાં સુરક્ષાકર્મીઓ તૈનાત છે. 

શું કહ્યું કેન્દ્રીય મંત્રીએ ? 
કેન્દ્રીય મંત્રી જિતેન્દ્ર સિંહે કહ્યું, આ બેઠક જમ્મુ અને કાશ્મીર માટે વિશ્વ સમક્ષ પોતાને બતાવવાની તક છે. ભારતના G20 મુખ્ય સંયોજક હર્ષવર્ધન શ્રિંગલાએ કહ્યું કે, આ G20 બેઠક ખીણમાં પ્રવાસન ઉદ્યોગને પ્રોત્સાહન આપવામાં મદદ કરશે. જમ્મુ-કાશ્મીરમાં યોજાનારી આ સૌથી મહત્વપૂર્ણ બેઠક હશે. 

KTMFના જનરલ સેક્રેટરીએ શું કહ્યું ? 
કાશ્મીર ટ્રેડર્સ એન્ડ મેન્યુફેક્ચરર્સ ફેડરેશન (KTMF)ના જનરલ સેક્રેટરી બશીર અહેમદે કહ્યું, આ ખૂબ જ સારા સમાચાર છે કે, G20 ટુરિઝમ મીટિંગ અહીં શ્રીનગરમાં યોજાવા જઈ રહી છે. આનાથી સમગ્ર વિશ્વમાં એક મજબૂત સંદેશ જશે કે, કાશ્મીર એક શાંતિપૂર્ણ સ્થળ છે અને ઘણા વિદેશી દેશો દ્વારા તેમના નાગરિકો (વિદેશી પ્રવાસીઓ) માટે જાહેર કરવામાં આવેલી ટ્રાવેલ એડવાઈઝરી પાછી ખેંચી લેવામાં આવશે. 

આ તરફ ગુપ્તચર એજન્સીઓને ટાંકીને સમાચાર સામે આવ્યા છે કે, G-20 મીટિંગની શરૂઆત પહેલા પાકિસ્તાન દ્વારા કાશ્મીરમાં 100 થી વધુ નકલી હેશટેગ સક્રિય કરવામાં આવ્યા છે, જેનું કામ G20 વિરોધી પ્રચાર ફેલાવવાનું છે. લગભગ 500 શંકાસ્પદ મોબાઈલ નંબરો પણ ઓળખી કાઢવામાં આવ્યા છે, જેનો ઉપયોગ પાકિસ્તાને ખાસ કરીને આ પ્રચાર ફેલાવવા માટે કર્યો છે. 

સૂત્રોના જણાવ્યા અનુસાર પાકિસ્તાન તરફથી G-20 બેઠક અને ભારત સરકારનો વિરોધ કરવા માટે સૂચનાઓ આપવામાં આવી રહી છે. શ્રીનગરના કેટલાક વિસ્તારોમાં પોસ્ટર લગાવવાનું પણ ષડયંત્ર છે, જેનો હેતુ લોકોને ભડકાવવાનો છે. સોશિયલ મીડિયા પર વિરોધ પ્રદર્શનો વિશે પણ માહિતી આપવામાં આવી હતી, જેનો હેતુ માત્ર ભારતના હિતોને નુકસાન પહોંચાડવાનો છે, G-20 બેઠક વિશે ભ્રામક માહિતી લાવવાનો છે.

G20 સમિટ જમ્મૂ અને કાશ્મીર NSG G20 Meeting In Kashmir શ્રીનગર KTMF
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ