દિલ્હી / કોંગ્રેસને ફરી બેઠી કરવા મેદાને આવ્યા દિગ્ગજ નેતાઓ! ગુલાબ નબી આઝાદના ઘરે 'મહામંથન', આ મુદ્દાઓ પર ચર્ચા

• કોંગ્રેસના કારમા પરાજય મુદ્દે દિગ્ગજ નેતાઓની બેઠક
• ભવિષ્યની રણનીતિ કરાઈ શકે છે નક્કી 
• ગુલાબ નબી આઝાદે કહ્યું-મંથન કરાશે 

આ હાર બાદ શુક્રવારે પાર્ટીના G-23 જૂથના ઘણા નેતાઓની બેઠક થઈ રહી છે, જેમાં તેઓ ભવિષ્યની રણનીતિ નક્કી કરી શકે છે. સૂત્રોના જણાવ્યા અનુસાર, રાજ્યસભાના પૂર્વ વિપક્ષના નેતા ગુલામ નબી આઝાદના ઘરે આયોજિત આ બેઠકમાં કપિલ સિબ્બલ, મનીષ તિવારી અને અન્ય કેટલાક નેતાઓ સામેલ છે. કોંગ્રેસના G-23 જૂથના નેતાઓએ ઓગસ્ટ 2020માં પાર્ટી અધ્યક્ષ સોનિયા ગાંધીને પત્ર લખીને કોંગ્રેસમાં સક્રિય અધ્યક્ષ અને સંગઠનમાં આમૂલ પરિવર્તનની માંગણી કરી હતી.

Delhi | Senior Congress leaders Manish Tewari and Kapil Sibal arrive at the residence of party leader Ghulam Nabi Azad. pic.twitter.com/SPEKtAPw4t

— ANI (@ANI) March 11, 2022

કોંગ્રેસની કારમી હાર મુદ્દે મંથન 

ઉત્તર પ્રદેશ, પંજાબ, ઉત્તરાખંડ, મણિપુર અને ગોવામાં વિધાનસભાની ચૂંટણીમાં કોંગ્રેસની કારમી હાર બાદ G-23 જૂથના નેતાઓની બેઠક મહત્ત્વપૂર્ણ છે. બીજી તરફ કોંગ્રેસના વરિષ્ઠ નેતા મલ્લિકાર્જુન ખડગેએ વિધાનસભા ચૂંટણીમાં પાર્ટીની હારને દુર્ભાગ્યપૂર્ણ ગણાવી હતી અને આશા વ્યક્ત કરી હતી કે કોંગ્રેસ બહુ જલ્દી લોકોનો વિશ્વાસ પાછો જીતી લેશે.

લોકોના ફરી જીતીશું વિશ્વાસ : વિપક્ષના નેતા ખડગે

રાજ્યસભામાં વિપક્ષના નેતા ખડગેએ ટ્વીટ કર્યું કે, “મારી 50 વર્ષની રાજકીય કારકિર્દીમાં મેં ઘણા ઉતાર-ચઢાવ જોયા છે. વિધાનસભા ચૂંટણીના પરિણામો જોવું દુર્ભાગ્યપૂર્ણ હતું, પરંતુ આપણે યાદ રાખવું જોઈએ કે માત્ર આપણે જ ફાસીવાદી શક્તિઓ સામે લડી શકીએ છીએ. અમે ટૂંક સમયમાં ફરીથી લોકોનો વિશ્વાસ જીતીશું.

તાજેતરના પરિણામો પર એક ઝલક

તાજેતરના પરિણામોની વાત કરીએ તો, 403 સભ્યોની ઉત્તર પ્રદેશ વિધાનસભામાં ભાજપ ગઠબંધને 273 બેઠકો જીતી છે. સપા ગઠબંધનને 125 બેઠકો મળી હતી. કોંગ્રેસને માત્ર બે બેઠકો મળી હતી, આ સિવાય બસપાને એક અને અન્યને 2 બેઠકો મળી હતી. તે જ સમયે, 117 સભ્યોની પંજાબ વિધાનસભામાં, આમ આદમી પાર્ટીએ 92 બેઠકો જીતી છે. કોંગ્રેસને માત્ર 18 બેઠકો મળી હતી. ચૂંટણીમાં AAPની લહેર વચ્ચે શિરોમણી અકાલી દળને ત્રણ, ભારતીય જનતા પાર્ટીને બે બેઠકો મળી હતી. બહુજન સમાજ પાર્ટી એક બેઠક જીતવામાં સફળ રહી છે. ચન્ની, પ્રકાશ સિંહ બાદલ અને અમરિન્દર સિંહ સહિત ઘણા મજબૂત નેતાઓ ચૂંટણીમાં પોતાની સીટ બચાવી શક્યા નથી.

મારું હૃદય તૂટી રહ્યું છે - આઝાદ

કોંગ્રેસની શરમજનક હાર બાદ વર્કિંગ કમિટીના સભ્ય ગુલામ નબી આઝાદે કહ્યું કે, "હું ચોંકી ગયો છું, એક પછી એક આપણી હારની સ્થિતિ જોઈને મારું દિલ તૂટી  રહ્યું છે." અમે અમારી આખી યુવાની અને જીવન પાર્ટીને આપી દીધું છે. મને ખાતરી છે કે પાર્ટીનું નેતૃત્વ તે તમામ નબળાઈઓ અને ખામીઓ પર ધ્યાન આપશે જેની હું અને મારા સાથીદારો લાંબા સમયથી વાત કરી રહ્યા હતા.'' તે જ સમયે કોંગ્રેસના નેતા શશિ થરૂરે નેતૃત્વમાં સુધારાની વાત કરી હતી.