કંપનીની યોજના છે કે તે બાયો-સેટેલાઇટ(Bio-Satellite) બનાવશે. જેની અંદર IVF ટ્રીટમેન્ટ દ્વારા બાળકોનો જન્મ થશે. આ બાળકોને સ્પેસ બેબીઝ (Space Babies) કહેવામાં આવશે.
બ્રિટિશ વૈજ્ઞાનિક અંતરિક્ષમાં માનવ બાળકો બનાવશે
આવા બાળકોને સ્પેસ બેબીઝ (Space Babies) કહેવાશે
પ્રથમ ટેસ્ટ ફ્લાઇટ આગામી ત્રણ મહિનામાં થવાની સંભાવના
ઘણી વાર પ્રશ્ન થાય કે શું બાળકો અંતરિક્ષમાં જન્મી શકે ? જન્મી શકે છે પણગુરુત્વાકર્ષણના અભાવ અને વધુ રેડિએશનના કારણે તેમના શરીર નબળા થશે. આ બધા વચ્ચે માહિતી મળી છે કે હવે બ્રિટિશ વૈજ્ઞાનિક નેધરલેન્ડની એક સ્પેસ કંપની સાથે મળીને અંતરિક્ષમાં માનવ બાળકો બનાવશે. આ એક પ્રકારનું કૃત્રિમ ગર્ભાધાન હશે.
નેધરલેન્ડની કંપનીનું નામ Spaceborn United છે. કંપનીની યોજના છે કે તે બાયો-સેટેલાઇટ(Bio-Satellite) બનાવશે. જેની અંદર IVF ટ્રીટમેન્ટ દ્વારા બાળકોનો જન્મ થશે. આ બાળકોને સ્પેસ બેબીઝ (Space Babies)એટલે કે અવકાશના બાળકો કહેવામાં આવી રહ્યા છે.
આ બાયો-સેટેલાઇટની પ્રથમ ટેસ્ટ ફ્લાઇટ આગામી ત્રણ મહિનામાં થવાની સંભાવના છે. તેને કેનેડાથી લોન્ચ કરવામાં આવશે. સ્પેસબોર્ન યુનાઈટેડના ડો.એબર્ટ અડલબ્રોએકે કહ્યું કે અમારો ઉદ્દેશ્ય એ છે કે આપણે ભવિષ્યમાં અવકાશમાં સામાન્ય માનવ પ્રજનનની પ્રક્રિયા પૂર્ણ કરી શકીએ. પરંતુ તે પહેલા આપણે કૃત્રિમ ગર્ભાધાન કરી એ જોવુ પડશે કે અવકાશમાં જન્મેલા બાળકો સ્વસ્થ છે કે નહીં. તે લાંબું જીવશે કે નહીં? તેમને કેવા પ્રકારની સમસ્યાઓ છે.
ડો. અડલબ્રોએકે કહ્યું કે અમે અંતરિક્ષમાં માનવ પ્રજનન યોગ્ય રીતે કરવા માંગીએ છીએ. પરંતુ તે પહેલા અમે મેડિકલ રિપ્રોડક્ટિવ ટેક્નોલોજીનો ઉપયોગ કરીને બાળકો બનાવીશું. જેથી કરીને આપણે અમારું અંતિમ લક્ષ્ય હાંસલ કરી શકીએ. શરૂઆત ઉંદરના શુક્રાણુ અને ઇંડાથી થશે.
આ પ્રોજેક્ટમાં એસ્ગાર્ડિયા નામનું સ્પેસ નેશન વેન્ચર પણ સામેલ છે, જે પૃથ્વીની બહાર માનવ વસાહત કરવા માંગે છે. આ વેન્ચર 2016માં બન્યું હતું. એસ્ગાર્ડિયાના પ્રમુખ લેમ્બિટ ઓપિક કહે છે કે અંતરિક્ષમાં બાળકો પેદા કરતા પહેલા આપણે બાયોલોજીકલ સ્તરે એવી ટેકનિકની તપાસ કરવી પડશે જે કૃત્રિમ રીતે ભ્રૂણનો વિકાસ કરી શકે. જેથી અમે સુરક્ષિત ડિલિવરી કરી શકીએ.