અમેરિકાની ચૂંટણીના પરિણામો બાયડનને તરફેણમાં આગળ વધી રહ્યા છે અને હવે તેમને ફક્ત 6 ઈલેક્ટોરલ વોટની જરૂર છે.
આ વોટ તેમને નેવાડા રાજ્યમાંથી મળી જશે તેમ રૂઝાન ઉપરથી લાગી રહ્યું છે. તેઓ 270નો આંકડો વટાવીને અમેરિકાના રાષ્ટ્રપ્રમુખની રેસમાં ફેવરિટ મનાઈ રહ્યા છે.
જો કે આ ઘટનાક્રમથી ટ્રમ્પ ધૂંધવાયા છે. તેમનો આક્ષેપ છે કે મતગણતરીમાં પારદર્શિતા રાખવામાં આવી નથી. તેમનું કહેવું છે કે ઘણા રાજ્યોએ ચૂંટણી દિવસ પછી પણ પોસ્ટ બેલેટ વોટ્સ સ્વીકારાયા છે જે અયોગ્ય છે.
તેમણે વિસ્કોન્સિન રાજ્યમાં ફરીથી મતગણતરી તેવી માંગ કરી છે. બીજી બાજુ પેન્સિલવેનિયા, મિશિગન અને ઓહાયો રાજ્યમાં મત ગણતરી અંગે તેઓ અદાલતમાં કેસ કરવાની તૈયારી કરી રહ્યા છે. અમેરિકામાં 270નો મેજીકલ નંબર કોણ મેળવી લેશે તે કાલ સુધીમાં નક્કી થઈ જશે.
જો કે ટ્રમ્પના હારવાના સમાચાર સાથે જ ટ્રમ્પ સમર્થકો વિરોધ પ્રદર્શન તરીકે રોડ ઉપર ઉતરી આવ્યા છે. તેમની સામે બાયડનના સમર્થકો ગોઠવાયા છે. આજે પોર્ટલેન્ડમાં તોડફોડ અને તોફાન થતા સુરક્ષા દળો ખડકી દેવાની સ્થિતિ સર્જાઈ હતી. મિશિગનમાં તોફાનકારોએ અધિકારીઓને બેલેટની ગણતરી કરતા રોકવાની કોશિશ પણ કરી હતી.