સુરતઃ શહેરના વેસુ વિસ્તારમાં એક બિલ્ડીંગમાં આગની ઘટના બની હતી. આગમ આર્કેટની દુકાનમાં આગ લાગી હતી. આ બિલ્ડીંગમાં ટ્યુશન ક્લાસીસ ચાલતું હતું. અચાનક આગ લાગતા 70 જેટલા વિદ્યાર્થીઓ ફસાયા હતા. આગ લાગતા દોડધામ મચી ગઇ હતી. આ આગમાં દાઝી જતા 8 વિદ્યાર્થીઓ અને એક મહિલા શિક્ષકને સારવાર માટે ખસેડાયા હતા. જેમાં 1 વિદ્યાર્થીનું સારવાર દરમિયાન મોત નિપજ્યું હતું.
આ બિલ્ડીંગમાં આગ લાગતા ટ્યુશન ક્લાસીસમાં દોડધામ મચી જવા પામી હતી. આ બિલ્ડીંગમાં કેટલાક વિદ્યાર્થીઓ ફસાઇ ગયા હતા. આગની ઘટનાના પગલે તાત્કાલિક ફાયર વિભાગ ઘટના સ્થળે પહોંચ્યું હતું. ભારે જહેમત બાદ આગ પર કાબૂ મેળવાયો હતો. તો ફસાયેલા વિદ્યાર્થીઓને બચાવવા કવાયત હાથ ધરાઇ હતી. કેટલાક વિદ્યાર્થીઓને આગના કારણે ઇજા પહોંચી હતી.
મહત્વનું છે કે ઇજાગ્રસ્ત વિદ્યાર્થીઓને તાત્કાલિક સારવાર અર્થે હોસ્પિટલ ખસેડવામાં આવ્યા હતા. આગ લાગતા ઘટનાસ્થળે લોકોના ટોળેટોળા ઉમટ્યાં હતા. એક વિદ્યાર્થીનીને બેભાન હાલતમાં હોસ્પિટલ ખસેડવામાં આવી હતી.
આ બિલ્ડીંગમાં કોર્પોરેટની ઓફિસો આવેલી છે. બારીના કાચ તોડતા વિદ્યાર્થીઓ ઇજાગ્રસ્ત થયા હતા. સારવાર અર્થે ખસેડાયેલ વિદ્યાર્થીઓમાંથી એક વિદ્યાર્થીનું સારવાર દરમિયાન મોત નિપજ્યું હતું. જ્યારે હજુ એક વિદ્યાર્થી ગંભીર હોવાના સમાચાર મળી રહ્યા છે.