જમ્મૂ-કાશ્મીરમાંથી ધારા 370 હટાવ્યાંને આજે 60 દિવસ થઇ ગયા હોવા છતાં પાકિસ્તાન તેના નાપાક ઇરાદાથી હજુ પણ બાજ આવતું નથી. પાકિસ્તાને આજે આર્ટીકલ 370ને લઇને PoKમાં વિરોધ પ્રદર્શન માટે LoC સુધી લોકોને વિરોધ કરવા અપીલ કરી છે.
આજે ઇમરાન ખાન PoKના સ્કાર્દુની મુલાકાતે
કાશ્મીરના લોકોને ઉશ્કેરવાનો ઇમરાનનો પ્લાન
PoKના લોકોને LoC સુધી વિરોધ પ્રદર્શન કરવા કરી અપીલ
LoC સુધી PoKમાં વિરોધ કરવા કરી અપીલ
સૈનાના સૂત્રોનું માનીએ તો પાકિસ્તાન અધિકૃત કાશ્મીર (PoK)માં લોકોને પાકિસ્તાનની સેનાએ LoC સુધી વિરોધ પ્રદર્શન કરવા અંગે જણાવવામાં આવ્યું છે. આ પ્રદર્શન માટે પાકિસ્તાને લાખો લોકોને PoKની સરહદ નજીકના વિસ્તારમાં રાખ્યાં છે.
ઇમરાન ખાન PoKના સ્કાર્દૂની મુલાકાતે લે તેવી સંભાવના
PoKની સરહદ નજીક લોકોને કલમ 370 હટાવવા પ ર વિરોધ પ્રદર્શન કરવા જણાવવામાં આવ્યું છે. તેની સાથે એવી પણ અટકળો લગાવવામાં આવી રહી છે કે પાકિસ્તાનના વડાપ્રધાન ઇમરાન ખાન આજે PoKના સ્કાર્દૂની મુલાકાતે આવી શકે છે. જ્યાં ઇમરાન ખાન એક જનસભાને સંબોધન પણ કરે તેવી શક્યતા છે.
ભારતીય સેના હાઇએલર્ટ પર
PoKમાં પાકિસ્તાન દ્વારા LoC સુધી લોકોને વિરોધ પ્રદર્શન કરવા અંગેનું જણાવ્યું હોવાની સૂત્રોને મળેલી જાણકારીને લઇને ભારતીય સેનાને સરહદ પર હાઇએલર્ટ કરવામાં આવી છે. સૂત્રોને મળતી જાણકારી મુજબ LoC નજીક કેટલાંક સ્થાનિક લોકો દ્વારા કોઇપણ મુશ્કેલી ઉભી કરી શકે છે જેને લઇને ભારતીય સેના સંપૂર્ણ તૈયાર હોવાનું જણાવવામાં આવ્યું છે.
મોદી સરકારે ઘાટીના યુવાઓ માટે નવી-નવી યોજનાઓની કરી શરૂઆત
બીજી તરફ કેન્દ્રની મોદી સરકારે ઘાટીમાં ધારા-370 હટાવ્યાં બાદ ઘાટીના યુવા વિકાસની મુખ્ય-ધારામાં નવી-નવી યોજનાઓની શરૂઆત કરી છે. કેન્દ્ર સરકારે યુવાઓને રોજગાર આપવાની પણ શરૂઆત કરી દીધી છે. જેમાં ગુરૂવારના રોજ કાશ્મીરમાં મોટી સંખ્યામાં સેનાની ભરતી રેલીમાં યુવાઓએ ભાગ લઇને આતંકિઓ અને અલગાવવાદીઓને મોં પર તમાચો માર્યો છે.