અમેરિકી સ્વાસ્થ્ય મંત્રાલય દ્વારા કરવામાં આવેલા સ્ટડી અનુસાર, કોરોના વેક્સિન ન લેનાર લોકોની તુલનાએ વેક્સિનના બધા ડોઝ લેનાર (2-3 ત્રણ) લોકોને કોરોનાથી મોતનો ખતરો 11 ગણો ઓછો રહે છે તથા આવા લોકોને હોસ્પિટલમાં દાખલ થવાનું જોખમ પણ 10 ગણુ ઘટી જાય છે.
સેન્ટર ફોર ડિસિઝ કન્ટ્રોલ એન્ડ પ્રિવેન્શનનો મોટો દાવો
અમેરિકીની સૌથી મોટી સ્વાસ્થ્ય એજન્સી સેન્ટર ફોર ડિસિઝ કન્ટ્રોલ એન્ડ પ્રિવેન્શને (CDC) પ્રસિદ્ધ કરેલા ત્રણ પેપરમાં આવી રાહતની માહિતી આપવામાં આવી છે. સ્ટડીમાં જણાવ્યાનુસાર મહામારીના સમયમાં મોડર્નાની વેક્સિન ડેલ્ટા વેરિયન્ટની સામે થોડું વધારે પ્રોટેક્શન આપી શકે છે.
વેક્સિનેશન ખૂબ કારગર નીવડે છે- CDC ડિરેક્ટર
CDC ડિરેક્ટર રોછેલ વેલેન્સ્કીએ પ્રેસ કોન્ફરન્સમાં જણાવ્યું કે અમે સ્ટડી પછી સ્ટડીમાં દર્શાવ્યું છે કે વેક્સિનેશન ખૂબ કારગર નીવડે છે.
કુલ 3 પ્રકારના સ્ટડી બાદ આવો મોટો દાવો કરાયો
કુલ 3 પ્રકારના સ્ટડી બાદ આવો મોટો દાવો કરાયો છે. તેમણે કહ્યું કે 4 એપ્રિલથી 19 જુનની વચ્ચે અમેરિકાના 13 રાજ્યોમાં હજારો લોકો પર પહેલા સ્ટડી કરવામાં આવ્યો. આ સમયગાળા દરમિયાન અમેરિકામાં ડેલ્ટા વેરિયન્ટનો કેર ચાલી રહ્યો હતો.
ડેલ્ટા વેરિયન્ટના સમયમાં વેક્સિન લેવી ખૂબ જરુરી
આ સમયગાળા દરમિયાન વેક્સિન લેનાર લોકોને કોરોના સંક્રમણ થવાનું જોખમ થોડુ વધ્યું હતું. જોકે વેક્સિન ન લેનાર લોકોની તુલનામાં વેક્સિન લેનાર લોકોને સંક્રમણનું 11 ગણું ઓછું જોખમ રહ્યું હોવાનું પુરવાર થયું હતું. વેક્સિન લેનાર લોકોને હોસ્પિટલમાં દાખલ થવાની પણ નોબત આવતી નથી અને તેમના મોતનો જોખમમાં પણ ઘટાડો થતો હોય છે.