અમદાવાદ: પેટ્રોલ-ડીઝલના ભાવમાં તોતિંગ વધારો થઈ રહ્યો છે. પેટ્રોલના ભાવમાં આજે પણ 10 પૈસા જ્યારે ડીઝલના ભાવમાં 24 પૈસાનો વધારો થયો છે. અમદાવાદમાં પેટ્રોલનો ભાવ 79.75 રૂપિયાએ પહોંચી ગયો છે. જ્યારે ડીઝલનો ભાવ 79.06 રૂપિયાએ પહોંચ્યો છે.
મહત્વનું છે કે સરકારે વેટ ઘટાડતા પાંચ રૂપિયાની રાહત આપી હતી. જોકે આ રાહત બેઅસર રહી છે. ફરીથી ભાવ વધી રહ્યો છે. જેના કારણે માત્ર ગણતરીના દિવસોમાં જ 2 રૂપિયાનો વધારો થયો છે અને જો સતત ભાવ વધારો થતો રહ્યો તો ભાવ હતો ત્યાં જ પહોંચી જશે.
Delhi: Petrol and diesel prices in #Delhi are Rs 82.83 per litre (increase by Rs 0.11) and Rs 75.69 per litre (increase by Rs 0.23) respectively. Locals says "We have no option but to bear the high fuel prices. Appeal to the Delhi government to decrease tax on fuel prices." pic.twitter.com/QdnCsY5hkl
ઉલ્લેખનીય છે કે પેટ્રોલ અને ડીઝલની કિંમતમાં સતત વધારો થઇ રહ્યો છે. ત્યારે પ્રધાનમંત્રી મોદીએ ક્રુડ ઓઇલ કંપનીઓના CEO સાથે ગઇકાલે બેઠક કરી હતી. આ બેઠકમાં સામેલ થવાં માટે કેટલાક દેશોના પેટ્રોલિયમ મંત્રીઓને પણ દિલ્હી બોલાવાયા હતા.
આ બેઠકમાં ક્રુડ ઓઇલના વધતા ભાવ અંગે ચર્ચા કરવામાં આવી. જો કે બેઠક બાદ જાહેર થયેલા નિવેદનમાં જણાવવામાં આવ્યું કે બેઠકમાં પ્રધાનમંત્રીએ પેટ્રોલ-ડીઝલની વધતી કિંમતો અંગે ચિંતા વ્યક્ત કરી છે.
પ્રધાનમંત્રી મોદીએ કહ્યું કે ક્રુડ ઓઇલ કંપની અને ગ્રાહક દેશ વચ્ચે તાલમેલ જરૂરી છે. ત્યારે હવે આગામી સમયમાં જોવું જ રહ્યું કે પેટ્રોલ-ડીઝલમાં ભાવમાં ઘટાડો થાય છે કે કેમ..!