પેટ્રોલ અને ડીઝલના ભાવ વધવાથી પરેશાન યુવકે પોતાની બાઈકને ઘરના ગેરેજમાં ઉભી કરી ઘોડા ખરીદી લીધા
પેટ્રોલના વધતા ભાવથી પરેશાન થયો વ્યક્તિ
બુલેટ મુકી ઘરે લઈ આવ્યો ઘોડો
હવે ક્યાંય પણ જવા માટે કરે છે ઘોડાનો ઉપયોગ
પેટ્રોલ અને ડીઝલના વધતા ભાવે સામાન્ય માણસની કમર તોડી નાખી છે. આજ કારણ છે કે લોકોને ઘણી મુશ્કેલીઓનો સામનો કરવો પડે છે. આ મુશ્કેલીઓથી છુટકારો મેળવવા માટે હુગલીના એક યુવકે રોજીંદા જીવનના કારમો કરવા માટે ઘોડો ખરીદી લીધો છે. 29 વર્ષના આલોક કુમારનું કહેવું છે કે તે પોતાની મોટરસાઈકલમાં પેટ્રોલ ભરાવવામાં અસમર્થ હતા. માટે તેમણે ઘોડો ખરીદ્યો હતો. હવે તે પોતાની ઘોડેસવારીનો આનંદ લઈ રહ્યો છે.
પેટ્રોલની વધતી કિંમતોથી પરેશાન યુવકે ખરીદ્યો ઘોડો
આલોક યુવાઓને ઘોડાની સવારી કરવાની ટ્રેનિંગ પણ આપે છે. આઠ વર્ષ પહેલા આલોક રાય નોકરી માટે સાઉદી અરબ ગયો હતો. જ્યાં તેમણે અમુક વર્ષ સુધી નોકરી કરી અને ઘોડેસવારે સીખી હતી. દેશ પરત ફરવા પર પેટ્રોલની વધતી કિંમતોએ તેમને મુશ્કેલીમાં મુકી દીધા હતા. માટે તે હવે રોજીંદા જીવનના કામ માટે બાઈકની જગ્યા પર ઘોડાનો ઉપયોગ કરે છે. આલોકને ઘોડેસવારી કરતા જોઈને અમુક યુવાઓમાં પણ ઘોડેસવારીનો ક્રેઝ વધી ગયો છે.
યુવાઓમાં વધ્યો ઘોડેસવારીનો ક્રેઝ
પેટ્રોલ અને ડીઝલની કિંમતોમાં સતત વધારો જોવા મળી રહ્યો છે. પછી તેમને ઘોડો ખરીદવાનો આઈડિયા આવ્યો અને કોલકત્તાના હેસ્ટિંગ્સથી 2 લાખ 20 હજાર રૂપિયાની કિંમતમાં કાટિયાવાળા પ્રજાતિનો એક ઘોડો ખરીદ્યો હતો. આલોકે પોતાની રોયલ એનફીલ્ડ બાઈકને ઘરના ગેરેજમાં ઉભી કરી દીધી અને રોજીંદા જીવનમાં કામ માટે પોતાના ઘોડાનો ઉપયોગ કરવાનું શરૂ કરી દીધું. આલોક પોતાના ઘોડાની દેખરેખ પોતે કરે છે અને ઘોડાને રાખવાનો ખર્ચ તે ઘોડેસવારી શીખવાડીને પુરો કરે છે.
હોર્સ રાઈડિંગ ક્લબ ખોલવા માંગે છે આલોક
આલોક પોતાના વિસ્તારમાં હોર્સ રાઈડિંગ ક્લબ ખોલવા માંગે છે. ઘોડેસવારી સીખી રહેલ યુવતી સંજના મજૂમદારનું કહેવું છે કે કલકત્તાની બહાર હુગલી જિલ્લામાં આ પ્રકારના ઘોડાની ટ્રેનિંગ લેવી તેમના માટે ખૂબ જ રોમાન્ચક છે.