દિલ્હી: પેટ્રોલ અને ડીઝલના ભાવમાં આજે પણ વધારો ઝીંકાયો છે.પેટ્રોલના ભાવમાં 28 પૈસા અને ડીઝલના ભાવમા 24 પૈસાનો વધારો થયો છે. અમદાવાદમાં પેટ્રોલનો ભાવ પ્રતિ લીટરે રૂપિયા 80.40એ પહોંચ્યો છે અને ડીઝલનો ભાવ પ્રતિ લીટરે રૂ. 78.60 પર પહોંચ્યો છે.
ઉલ્લેખનીય છે કે છેલ્લાં 13 દિવસમાં પેટ્રોલના ભાવમાં રૂ. 2.75નો વધારો થયો છે. જ્યારે ડીઝલના ભાવમાં છેલ્લા 12 દિવસમાં રૂ. 3.50નો વધારો થતા નાગરિકોમાં રોષ વ્યાપ્યો છે. મહત્વની વાત છે કે હાલ રાજ્યના મોટા ભાગના વિસ્તારમાં પેટ્રોલનો ભાવ રૂ. 80 ઉપર પહોંચ્યો છે. ત્યારે સરકારે પણ ભાવ ઘટાડવાના કોઈ સંકેત આપ્યા નથી અને વિપક્ષ પણ મૌન રહેતા અનેક પ્રશ્નો ઊભા થયા છે.
Petrol at Rs 81.28/litre (increase by Rs 0.28/litre) and diesel at Rs 73.30/litre (increase by Rs 0.22/litre) in Delhi. Petrol at Rs 88.67/litre (increase by Rs 0.28/litre) and diesel at Rs 77.82/litre (increase by Rs 0.24/litre) in Mumbai. pic.twitter.com/HSZE6uIHx5
ઉલ્લેખનીય છે કે આ પૂર્વે સરકાર દ્વારા કિંમતો પર અંકુશ રખાતો હતો. જોકે હવે માર્કેટ વેલ્યુ પ્રમાણે પેટ્રોલ અને ડીઝલના ભાવમાં વધારો-ઘટાડો થઈ રહ્યો છે તેવું જોવા મળી રહ્યું છે. આ મુદ્દે વિપક્ષ પણ મૌન થઈને આ તમાસો જોઈ રહ્યું છે અને ન તો કોઈ વિરોધ નોંધાવી રહ્યું છે ન તો સરકાર સામે કોઈ અવાજ. જેને લઈને વિપક્ષની ભૂમિકા પણ શંકાસ્પદ લાગી રહી છે.
એક તરફ લોકસભાની ચૂંટણી પણ નજીક આવી રહી છે. ત્યારે લોકોને એવી આશા છે કે ચૂંટણી પહેલા સરકાર પેટ્રોલ-ડીઝલ પર કોઈ રાહત આપી શકે છે.એવી પણ માગ થઈ રહી છે કે પેટ્રોલ-ડીઝલને GSTમાં સમાવવામાં આવે તો નાગરિકોને રાહત મળી શકે છે. પરંતુ કેન્દ્ર સરકાર તેને GSTમાં લાવવા માગતી નથી. ત્યારે પેટ્રોલ-ડીઝલના ભાવ લોકોને કેવા દિવસો દેખાડે છે તે આગામી દિવસોમાં જોવા મળી શકે છે.
આપને જણાવી દઇએ કે દેશમાં દિન પ્રતિદિન વધી રહેલા પેટ્રોલ અને ડીઝલના ભાવે સમામાન્ય વ્યક્તિનું બજેટ ખોરવી નાંખ્યુ છે. ત્યારે પેટ્રોલ અને ડીઝલના ભાવ વધારા સામે કોંગ્રેસ હવે રહી રહીને જાગી છે. હવે કોંગ્રેસ દ્વારા આ ભાવ વધારા સામે વિરોધ કરવામાં આવી રહ્યો છે તેમ છતાં કેન્દ્ર સરકાર દ્વારા ભાવ ઘટાડાના કોઇ જ સંકેત આપવામાં આવ્યા નથી.