ટેક્નોલોજી / હવે નવી ટેકનોલોજીથી રોકી શકાશે વાહનોનું પ્રદૂષણ, રાસાયણિક ઊર્જાનું વિદ્યુત ઊર્જામાં રૂપાંતર

ટોરેન્ટોઃ વાહનોથી થતાં પ્રદૂષણને ઘટાડવા માટે ઝીરો એમિશન ફ્યુઅલ એટલે કે એવું ઈંધણ જેનાથી કોઈ પણ પ્રકારનું ઉત્સર્જન ન થાય તેની માગણી સતત વધી રહી છે અને વિજ્ઞાની તેને વધુ ઉન્નત બનાવવાનો પ્રયાસ કરી રહ્યાં છે. હવે એક સંશોધનમાં દાવો કરાયો છે કે નવી ફ્યુઅલ સેલ ટેકનિક દ્વારા ગેસોલિન એન્જિનને નવા ફ્યુઅલ સેલથી બદલી શકાશે. તેનું ઉત્સર્જન પણ નહીં થાય અને તેનો ખર્ચો પણ બહુ ઓછો છે.

કેનેડાની વોટરલુ યુનિવર્સિટીના સંશોધકોએ એક નવું ફ્યુઅલ સેલ વિકસાવ્યું છે. આ ફ્યુઅલ સેલ એક વિદ્યુત રાસાયણિક યુક્તિ છે જે રાસાયણિક ઊર્જાની સીધી વિદ્યુત ઊર્જામાં બદલે છે. નવી ટેકનિક વર્તમાનની સરખામણીમાં ૧૦ ઘણી વધુ અસરકારક છે. આ ઈંધણ અંગે એપ્લાઈડ એનર્જી નામના જર્નલમાં વિસ્તારથી જણાવાયું છે.

વોટરલુનાં ફુલ એન્ડ ગ્રીન એનર્જી લેબનાં ડિરેક્ટર ઝિયાંગુઓ લીએ જણાવ્યું કે નવી ડિઝાઈનની વિશેષતા એ છે કે ગેસોલીન એન્જિનોની સરખામણીમાં તે સસ્તું છે આ ગ્રીન ઈંધણ છે. બજારમાં તેની માગ વધવી સ્વાભાવિક છે અને તેનું ભવિષ્ય પણ સારું છે. લીએ એમ પણ જણાવ્યું હતું કે તેના દ્વારા શૂન્ય ઉત્સર્જન કરતાં આપણે આર્થિક લક્ષ્યોને પૂરા કરી શકીએ છીએ. સંશોધકોએ આશા વ્યક્ત કરી છે કે આ એક સારું પગલું છે અને તે કાર્બન ઉત્સર્જન કરનાર વાહનોનું સ્થાન લઈ શકે છે અને પર્યાવરણને થતાં નુકસાનથી પણ બચાવી શકે છે.