ફૂડ સેફ્ટી / FSSAIનો મહત્વપૂર્ણ આદેશઃ કેટરર્સ રજૂ કરશે ઓડિટ રિપોર્ટ, થર્ડ પાર્ટી ઓડિટિંગ પણ થશે

FSSAIના નવા નિયમો

ફૂડ સેફ્ટી એન્ડ સ્ટાન્ડર્ડ ઓથોરિટી ઓફ ઇન્ડિયા (FSSAI) દ્વારા આ નવો આદેશ જાહેર કરવામાં આવ્યો છે. હાઇ રિસ્ક કેટેગરીમાં આવતા તમામ પ્રકારના ભોજનનું થર્ડ પાર્ટી ઓડિટ કરાવવું પડશે, જેમાં કેટરર્સ ઉપરાંત ડેરી, પોલ્ટ્રી અને મીટ બિઝનેસનો પણ સમાવેશ થાય છે.  FSSAIના આદેશ અનુસાર હવે ફૂડ સાથે સંકળાયેલા બિઝનેસ કરનારને તેમની પ્રોડક્ટ્સનું થર્ડ પાર્ટી ઓડિટિંગ કરાવીને રિપોર્ટ સુપરત કરવો પડશે. આ ઉપરાંત FSSAI ટી-બેગને લઇને પણ એવો આદેશ કરી ચૂકેલ છે કે ટી-બેગમાં સ્ટેપલ પિનનો ઉપયોગ સંપૂર્ણપણે બંધ કરવામાં આવે. 

ખોરાકની ગુણવત્તા માટે પણ છે નિયમો

આ પહેલાં FSSAI એ ખોરાકની ગુણવત્તા માટે પણ કેટલીક વાતો જાહેર કરી હતી. કેટલાક બિનસરકારી સંગઠન હોટલ રેસ્ટોરાં અને લગ્નના ઘરમાં બચેલું ખાવાનું ગરીબોમાં વહેંચવાનું કામ કરી રહ્યા છે. પરંતુ આ ખાવાની ગુણવત્તાને લઇને કોઇ માનક નથી. નવા ડ્રાફ્ટમાં આ મુદ્દા પર વિશેષ ધ્યાન આપવામાં આવશે. નવી વ્યવસ્થા હેઠળ હોટલ, રેસ્ટોરાં અને લગ્નઘરોના સંચાલકોને એફએસએસઆઇની વેબસાઇટ પર નોંધણી કરાવવામાં આવશે.

જમવાનું વહેંચવા માટે એનજીઓ અધિકૃત કરાવવામાં આવશે. આ ડ્રાફ્ટ અનુસાર તમામ રાજ્યોમાં ખાદ્ય આયુક્તિની અધ્યક્ષતામાં એક સમિતિ બનશે. આ સમિતિ દાનમાં આપવામાં આવેલા ભોજનનું દેખરેખ કરશે અને વ્યવસ્થામાં સુધાર માટે સૂચન આપશે. સંયુક્ત રાષ્ટ્રના રિપોર્ટ અનુસાર દર વર્ષે કરોડ ટન ખાવાનું બરબાદ થાય છે.