PI દેસાઇનો પોલિગ્રાફી ટેસ્ટ કરવામાં આવ્યો છે. થોડા દિવસ પહેલા જ પોલીસને જે માનવ અવશેષ મળ્યા હતા તેનો FSL રિપોર્ટ સામે આવ્યો છે
વડોદરામાં PI ના પત્ની સ્વીટી પટેલ 38 દિવસથી ગુમ છે
PI અજય દેસાઈનો પોલિગ્રાફી ટેસ્ટ કરાયો
FSLનો રિપોર્ટ આવ્યો, પોલિગ્રાફીનો રિપોર્ટ બાકી
સુરત FSLમાં મોકલેલ હાડકાના સેમ્પલનો રિપોર્ટ આવ્યો
વડોદરાના પોલીસ ઈન્સ્પેકટર અજય દેસાઇની પત્ની સ્વીટી છેલ્લા 38 દિવસથી ભેદી કારણોસર ગુમ છે. એવામાંઆ શંકાની સોય હવે PI દેસાઇ સામે જ છે. PI દેસાઇનો પોલિગ્રાફી ટેસ્ટ કરવામાં આવ્યો છે. થોડા દિવસ પહેલા જ પોલીસને જે માનવ અવશેષ મળ્યા હતા તેનો FSL રિપોર્ટ સામે આવ્યો છે. રિપોર્ટ અનુસાર પોલીસને મળેલા હાડકાં કોઈ યુવાન વયના માનવ શરીરના હોવાનું સામે આવ્યું છે.
PI અજય દેસાઈના પોલિગ્રાફી ટેસ્ટનો રિપોર્ટ હજી આવવાનો બાકી
આ કેસમાં હવે પોલીસ ધમધમાટ વધી ગયો છે ત્યારે સ્વીટી પટેલના બે વર્ષના બાળકના તથા મળી આવેલા હાડકાંના સેમ્પલ હવે DNA ટેસ્ટ માટે મોકલી દેવામાં આવ્યા છે. કોર્ટ દ્વારા મંજૂરી મળી ગયા બાદ આજે દેસાઇનો પોલિગ્રાફ ટેસ્ટ પણ કરવામાં આવ્યો હતો.
દહેજના અટાલી ગામ નજીક ત્રણ માળના અવાવરું મકાનમાંથી મળ્યા હતા અવશેષ
મહત્વનું છે કે, વડોદરાના PI અજય દેસાઈના પત્ની ગુમ થવાના મામલે પોલીસને શંકાસ્પદ માનવ અવશેષ મળ્યા હતા. એક પોલીસકર્મીના પત્ની સ્વિટી પટેલ છેલ્લા ઘણા સમયથી ગુમ છે. જેને લઈ રાતદિવસ પોલીસ તપાસનો ધમધમાટ શરૂ કર્યો છે. દહેજના અટાલી ગામ પાસે અવાવરૂ જગ્યાએથી આ માનવ અવશેષ મળ્યા છે. બિલ્ડિંગ પાછળથી મળી આવ્યા છે શંકાસ્પદ અવશેષ તપાસ માટે FSLમાં મોકલવામાં આવ્યા હતા.
જ્યાં હાડકાં મળ્યા હતા ત્યાં જ PI પણ હોવાની શંકા
નોંધનીય છે કે જે હાડકાંનો રિપોર્ટ આજે સામે આવ્યો છે તે માનવ અવશેષ પોલીસને જ્યાંથી મળ્યા હતા ત્યાં આસપાસ જ PI દેસાઇનો મોબાઈલનું લોકેશન પણ મળી આવ્યું હતું. જે બાદ શંકાની સોય પીઆઈ દેસાઇ પર ગઈ અને તેથી તે હાડકાંને તાત્કાલિક ટેસ્ટ માટે મોકલવામાં આવ્યા હતા. પોલીસના હાથમાં પૂરાવા વધવાના કારણે હવે આ કેસમાં વધુ તપાસ માટે તજવીજ હાથ ધરવામાં આવી છે.