ઘણી વખત તમને જરૂર પડે ત્યારે પ્રોવિડન્ટ ફંડના પૈસા ઉપાડવા માગો છો પરંતુ તેની પ્રોસેસના કારણે હંમેશા કન્ફ્યુઝ રહેવાય છે. અહીં જાણો પૈસા ઉપાડવાની સરળ રીત
આ રીતે ઘરે બેઠા ઉપાડો PFના પૈસા
પૈસા ઉપાડવા ધક્કા ખાવાની જરૂર નથી
જાણો સંપૂર્ણ પ્રોસેસ
આજે અમે તમને UMANG એપ વિશે જણાવવા જઈ રહ્યા છીએ, જેની મદદથી તમે પ્રોવિડન્ટ ફંડના પૈસા સરળતાથી ઉપાડી શકો છો. આ એપની મદદથી તમે તમારા પીએફના પૈસા ઘરે બેઠા ઉપાડી શકો છો. આ ઉપરાંત તમે EPFOના સત્તાવાર પોર્ટલ પરથી પણ પૈસા ઉપાડી શકો છો જેની સંપૂર્ણ પ્રોસેસ તમે અહીં જાણી શકો છો.
ઉમંગ એપ દ્વારા PFના પૈસા આ રીતે ઉપાડો
ઉમંગ એપ ડાઉનલોડ કરો
તમારો મોબાઈલ નંબર એડ કરીને M-PIN જનરેટ કરો
આધાર કાર્ડ લિંક કરો
ત્યારબાદ એપના તમામ સર્વિસ ઓપ્શનને સિલેક્ટ કરો, તેમાં EPFO પર ક્લિક કરો
ડ્રોપડાઉન મેનૂમાંથી રેઝ ક્લેમ વિકલ્પ પસંદ કરો
UAN નંબર દાખલ કરો
તેને ચકાસવા માટે તમારા મોબાઈલ પર એક OTP મોકલવામાં આવશે
OTP એડ કર્યા પછી તમારો ક્લેમ રજીસ્ટર થઈ જશે
છેલ્લે તમને એક રેફરન્સ નંબર મળશે જેમાંથી તમે તમારા ક્લેમને ટ્રેસ કરી શકશો.
EPFO પોર્ટલ પરથી આ રીતે ઉપાડો પૈસા
https://unifiedportalmem.epfindia.gov.in/memberinterface પર જાઓ
UAN અને પાસવર્ડ નાખીને લોગિન કર્યા પછી ઓનલાઈન સર્વિસના વિકલ્પ પર ક્લિક કરો. અહીં ક્લેમ સિલેક્ટ કરો.
એક નવી સ્ક્રીન ખુલશે જ્યાં તમારા બેંક ખાતાના છેલ્લા 4 અંકો નાખી YES પર ક્લિક કરો.
આ પછી તમને સર્ટિફિકેટ પર સહી કરવાનું કહેવામાં આવશે. હસ્તાક્ષર કર્યા પછી, તમારે ઑનલાઇન ક્લેમ માટે આગળ વધવું પડશે.
કેટલાક વિકલ્પો ડ્રોપ ડાઉન મેનુમાં દેખાશે. હવે તમે જે રકમ ઉપાડવા માંગો છો તે એડ કરો અને ચેકની સ્કેન કોપી એડ કરવાની રહેશે.
તે પછી તમારું સરનામું દાખલ કરો અને આધાર OTP પર ક્લિક કરો.
તમારા રજિસ્ટર્ડ મોબાઈલ નંબર પર એક OTP આવશે, તેને એન્ટર કરો અને ક્લેમ પર ક્લિક કરો.
એકવાર તમારા એમ્પ્લોયર દ્વારા વિનંતી મંજૂર થઈ જાય, પછી પૈસા તમારા ખાતામાં જમા થઈ જશે.