આજે બી-ટાઉનની જાણીતી અભિનેત્રીઓમાંથી એક છે. પણ ઘણા ઓછા લોકો જાણતા હશે કે એમને તેમના અભિનયની શરુઆત ટીવીથી કરી હતી
મૃણાલ આજે બી-ટાઉનની જાણીતી અભિનેત્રીઓમાંથી એક છે
મૃણાલે અભિનયની શરુઆત ટીવીથી કરી હતી
હાલ શાહિદ કપૂર સાથે ફિલ્મ જર્સીમાં નજર આવી હતી
બોલીવુડની અભિનેત્રી મૃણાલ ઠાકુરનો આજે જન્મદિવસ છે, મૃણાલ તેનો ૩૦મો જન્મદિવસ ઉજવી રહી છે. સવારથી જ એમના ફેન્સ એમને શુભ્છાઓ પાઠવી રહ્યા છે. મૃણાલ આજે બી-ટાઉનની જાણીતી અભિનેત્રીઓમાંથી એક છે. પણ ઘણા ઓછા લોકો જાણતા હશે કે એમને તેમના અભિનયની શરુઆત ટીવીથી કરી હતી. ટીવીથી કરીને ફિલ્મો સુધી પંહોચવાની એમની સફર સહેલી નહતી. ચાલો જાણીએ એમના ટીવીથી લઈને ફિલ્મો સુધની સફર વિશે..
મૃણાલનો જન્મ ૧ ઓગસ્ટ ૧૯૯૨માં મહારાષ્ટ્રના નાગપુરમાં થયો હતો. અભિનેત્રીએ કિશનચિંદ ચેલ્લારામ કોલેજથી માસ મીડિયાની ડીગ્રી મેળવી હતી. એમને તેમના અભિનયની શરૂઆત વર્ષ ૨૦૧૨માં સીરીયલ, ' મુજસે કુછ કહેતી...યે ખામોશીયા' એક્ટિંગથી કરી હતી. એ પછી મૃણાલે ઘણા ટીવી શો કર્યા હતા પણ કોઈ ખાસ ઓળખ બનાવી નહતી.
જો કે એ પછી મૃણાલ સીરીયલ' કુમકુમ ભાગ્ય'માં નજર આવી હતી. એ સીરીયલમાં મૃણાલે લીડ અભિનેત્રી સૃતી જા ની નાની બહેન બુલબુલનો કિરદાર નિભાવ્યો હતો. એ કિરદારથી મૃણાલ લોકો વચ્ચે ઘણી ફેમસ થઈ હત અને ઓળખ મેળવી હતી. જો કે એ પછી વર્ષ ૨૦૧૬માં એમને શરદ ચન્દ્ર ત્રિપાઠી સાથે નચ બલિયેમાં પણ હિસ્સો લીધો હતો.
મૃણાલ લગાતાર બોલીવુડમાં જગ્યા બનાવવા માટે સંઘર્ષ કરી રહી હતી અને વર્ષ ૨૦૧૮માં તેને ઇન્ડો અમેરિકન ફિલ્મ 'લવ સોનિયા' સાઈન કરી હતી. જેમાં એમના અભિનયને લોકોએ ઘણો પસંદ કર્યો હતો અને પછી વર્ષ ૨૦૧૯માં મૃણાલ જોન અબ્રાહમની ફિલ્મ બાટલા હાઉસમાં નજર આવી હતી. એ પછી તેને ઘણી ફિલ્મોની ઓફર મળવા લાગી હતી.
એ પછી મૃણાલ ૨૦૨૦ માં ઘોસ્ટ સ્ટોરી, વર્ષ ૨૦૨૧ માં તુફાન અને હાલ શાહિદ કપૂર સાથે ફિલ્મ જર્સીમાં નજર આવી હતી. આવનારી ફિલ્મોની વાત કરીએ તો મૃણાલ જલ્દી જ સૌથની ફિલ્મ "સીતા રામમ' માં નજર આવશે અને એ સિવાય હુમ કુરેશી સાથે ફિલ્મ 'પૂજા મેરી જાન' માં પણ નજર આવશે.