આંશિક રાહત / હાશ…આજથી બે દી’ કાળઝાળ ગરમીમાંથી મળશે મુક્તિ, જાણો હવામાન વિભાગે શું કહ્યું 

• આગામી 48 કલાક સુધી ગરમીનું પ્રમાણ યથાવત રહેશે 
• 2 દિવસ સુધી હિટવેવની રાજ્યમાં આગાહી નહીં
• ઉત્તર ગુજરાત અને કચ્છમાં 16 તારીખે હીટવેવની અસર વર્તાશે

આગામી 48 કલાક સુધી ગરમીનું પ્રમાણ યથાવત રહેશે 

રાજ્યમાં ગરમીને લઈને હવામાન વિભાગે આગાહી કરી છે. રાજ્યમાં આગામી 48 કલાક સુધી ગરમીનું પ્રમાણ યથાવત રહેશે. આ સાથે આગામી બે દિવસ બાદ રાજ્યના જુદા જુદા જિલ્લાઓમાં 2 થી 3 ડિગ્રી સુધી તાપમાનમાં વધારો થઈ શકે છે. જો કે, ઉત્તર ગુજરાત અને કચ્છમાં 16 તારીખે હીટવેવની અસર જોવા મળશે. આમ અમદાવાદમાં છેલ્લા કેટલાક દિવસની સરખામણીએ ગરમીની તીવ્રતામાં સાધારણ ઘટાડો અનુભવાયો છે. 

2 દિવસ સુધી હિટવેવની રાજ્યમાં આગાહી નહીં

ગુજરાતમાં રાજસ્થાનના રણ પરથી બળબળતા ઉત્તરીય પવનોને બદલે બંગાળની ખાડીમાંથી મજબૂત નૈઋત્યના દરિયાઈ પવનો ગુજરાત માં ખાસ કરીને સૌરાષ્ટ્ર પર ફૂંકાવાનું શરૂ થવા સાથે 44 સે.તાપમાને બળબળતી લૂ વર્ષાનો અનુભવ કરનાર લોકોને અગનવર્ષામાં આંશિક રાહત અનુભવાઈ હતી.

ઉત્તર ગુજરાત અને કચ્છમાં 16 તારીખે હીટવેવની અસર વર્તાશે

જો કે, બે દિવસ બાદ રાજ્યના જુદા જુદા જિલ્લાઓમાં 2 થી 3 ડિગ્રી સુધી તાપમાનમાં વધારો થઈ શકે છે. ઉત્તર ગુજરાત અને કચ્છમાં 16 તારીખે હીટવેવની અસર જોવા મળશે. આ ઉપરાંત અમદાવાદમાં 41 ડિગ્રી તાપમાન રહેશે.