આજે 1 લી એપ્રિલનાં રોજ વિવિધ જીવનજરૂરીયાતની ચીજ વસ્તુથી લઈ અનેક ચીજોનાં ભાવ વધ્યા છે. પરંતુ હવે એક એપ્રિલ, ભાવ વધારા માટે સત્તાવાર તારીખ બનતી જાય છે.
આપણું નવું વર્ષ દિવાળીએ આવે છે, જાન્યુઆરીથી ડિસેમ્બર આપણાં રોજીંદા વ્યવહારનો ભાગ છે, પણ અંગ્રેજીમાં જેને ફાઈનાન્સીયલ ઈયર એટલે કે નાણાંકિય વર્ષ કહે છે જેનો આજે પહેલો દિવસ છે. એપ્રિલની પહેલી તારીખ સામાન્ય વ્યક્તિના જીવનમાં હવે ઘણો બદલાવ લઈને આવે છે. એક રીતે કોઈપણ વસ્તુ કે સેવાનો ભાવ વધારો કરવો હોય તો, વર્ષમાં કોઈપણ દિવસે વધારી શકાય છે, પરંતુ હવે એક એપ્રિલ, ભાવ વધારા માટે સત્તાવાર તારીખ બનતી જાય છે. સરકારોએ બજેટમાં કરેલી તમામ જાહેરાતો આજના દિવસથી લાગૂ થાય છે. દર્દ દૂર કરનારી દવા મોંઘી થવાની છે, અને દર્દને પણ દૂર કરવાનું છે. માંડ જોડેલી બચતનું ડાઉનપેમેંટ, સપનાની નવી અને નાની ગાડી લેવા જોડ્યું હોય તો એ પણ મોંઘી થઈ રહી છે.
આજથી શું બદલાયું?
દવાઓ 30 ટકા મોંઘી થઈ
50 ટોલ ટેક્સમાં 10થી 25 ટકા સુધીનો વધારો
પ્રધાનમંત્રી વય વંદના યોજના બંધ
હોલમાર્ક નિયમોમાં ફેરફાર થતા સોનું મોંઘું
ફોર વ્હીલર 8થી 10 હજાર રૂપિયા મોંઘા થયા.
ટુ-વ્હીલર 3થી 4 હજાર રૂપિયા મોંઘા થયા.
ઘડેલું સોનું હવે હોલમાર્ક વિના મળવાનું નથી. ટોલટેક્સના વધારા પર સામાન્ય નાગરિકની ચિંતા આપણે મહામંથનમાં કરી ચૂક્યા છીએ. આ બધી વસ્તુઓ મોંઘી થવાની છે એ સાથે જ આજે અમૂલે જાહેર કર્યું કે દૂધના ભાવમાં લીટરે અમે બે રૂપિયા વધારવાના છીએ. કેટલીક સેવાઓ અને વસ્તુઓ સસ્તી પણ મળવાની છે. ગાડી નહી પણ સાયકલ લેવી હોય તો એ સસ્તી થવાની છે, રમકડા સસ્તા થવાના છે, અને અંતરિયાળ વિસ્તારમાં રહેતા લોકોને સરકારી ટીવી દૂરદર્શન પણ મફતમાં આપવાની વાત આજથી જ લાગૂ થઈ રહી છે. સમયનો અભાવ ન હોય તો ટીવી, કેમેરા અને મોબાઈલ પણ સસ્તા મળવાના છે.
રાજ્યના મોટાભાગના ટોલટેક્સમાં ભાવ વધારો
ટોલટેક્સમાં 15થી 25 ટકા સુધીનો વધારો
ટોલટેક્સ વધતા વાહન ચાલકોને મોંઘવારીનો માર
પેટ્રોલ-ડીઝલ મોંઘુ થયા બાદ ટોલટેક્સ વધતા મુસાફરી બની મોંઘી
ટોલટેક્સ થયો મોંઘો
રાજ્યમાં મોટાભાગનાં ટોલટેક્સમાં ભાવ વધારો થયો છે. ત્યારે ટોલટેક્સમાં 15 થી 25 ટકા સુધીનો વધારો થયો છે. ટોલટેક્સ વધતા વાહન ચાલકોને મોંઘવારીનો માર સહન કરવાનો વારો આવ્યો છે. પેટ્રોલ-ડીઝલ મોંઘું થયા બાદ ટોલટેક્સ વધતા મુસાફરી મોંઘી બની છે.
આજથી જ્વેલર્સ માટે હોલમાર્કિંગ યુનિક આઈડી ફરજિયાત
સોનાના દાગીના વેચતા પહેલા હોલમાર્કિંગ કરાવવું પડશે
હાલમાર્કિંગના કારણે સોનું ખરીદવું થયું મોંઘુ
દર 10 ગ્રામ સોનાના દાગીના પર ગ્રાહકને 1 હજારનો બોજ વધશે
હોલમાર્કના નિયમોમાં ફેરફાર
આજથી જ્વેલર્સ માટે હોલમાર્કિંગ યુનિક આઈડી ફરજીયા છે. સોનાના દાગીના વેચતા પહેલા હોલમાર્કિંગ કરાવવું પડશે. હોલ માર્કિંગના કારણે સોનું ખરીદવું મોંધું થશે. ત્યારે 10 ગ્રામ સોનાના દાગીના પર ગ્રાહકને 1 હજારનો બોજ વધશે.
15 વર્ષ જૂના વાહનો માટે ફિટનેસ ટેસ્ટ ફરજિયાત
બસ અને ટ્રક જેવા મોટા વાહન માટે ફિટનેસ ટેસ્ટ ફરજિયાત
બે વખત ફિટનેસ ટેસ્ટમાં નિષ્ફળ જતાં વાહન કબાડમાં જશે
રાજ્ય સરકારની માલિકીના 5 હજાર જૂના વાહન સીધા ભંગારમાં જશે
અમરેલી, ભરૂચ, મહેસાણા અને સુરત સહિત 4 શહેરોમાં ફીટનેસ કેન્દ્ર કાર્યરત
15 વર્ષ જૂના વાહનો પર લાગશે બ્રેક
15 વર્ષ જૂના વાહનો માટે ફિટનેસ ટેસ્ટ ફરજીયાત છે. જેમાં બસ અને મોટા વાહન માટે ફિટનેસ ટેસ્ટ ફરજિયાત છે. બે વખત ફિટનેસ ટેસ્ટમાં નિષ્ફળ જતા વાહન કબાડમાં જશે. રાજ્ય સરકારની માલિકીના 5 હજાર જૂના વાહન સીધા ભંગારમાં જશે. અમરેલી, ભરૂચ, મહેસાણા અને સુરત સહિત 4 શહેરોમાં ફીટનેસ કેન્દ્ર કાર્યરત છે.
અમૂલ દૂધે પ્રતિ લીટર 2 રૂપિયાનો કર્યો વધારો
અમૂલ ગોલ્ડ 500 ML હવે 31 રૂપિયામાં મળશે
અમૂલ શક્તિ 500 ML હવે 29 રૂપિયામાં મળશે
અમૂલ DTM દૂધ 500 MLના 23 રૂપિયા
અમૂલ ટી-સ્પેશિયલ 500 MLના હવે 30 રૂપિયા
અમૂલ બફેલો દૂધ 500 MLના હવેથી 34 રૂપિયા
દૂધના ભાવમાં વધારો
અમુલ દૂધે પ્રતિ લીટરે 2 રૂપિયાનો વધારો કર્યો છે. અમૂલ ગોલ્ડ 500 ML હવે 31 રૂપિયામાં મળશે. અમુલ શક્તિ 500 ML હવે 29 રૂપિયામાં મળશે. તેમજ અમૂલ DTM દૂધ 500 MLના 23 રૂપિયા. તેમજ અમુલ ટી-સ્પેશિયલ 500 MLના હવે 30 રૂપિયા. તેમજ અમુલ બફેલો દૂધ 500 MLના હવેથી 34 રૂપિયામાં મળશે.