રિઝર્વ બેંક ઓફ ઈન્ડિયાએ રોકડ સંકટથી ઝઝૂમ્બી રહેલી લક્ષ્મી વિલાસ બેંક પર પહેલા અનેક પ્રતિબંધ લગાવ્યા અને તાત્કાલિક તેને ડીબીએસ બેંકમાં વિલય કરવાની જાહેરાત કરી દીધી છે. 94 વર્ષ જૂની લક્ષ્મી વિલાસ બેંકનું નામ આજે ખતમ થઈ જશે. સૌથી મોટા ડીબીએસ બેંક સાથે તેનું મર્જર થઈ જશે. ફાઈનલ સ્કીમ હેઠળ લક્ષ્મી વિલાસ બેંકનું અસ્તિત્વ 27 નવેમ્બર એટલે કે આજે પુરુ થઈ જશે અને આના શેર એક્સચેન્જમાંથી ડિલિટ્સ થઈ જશે.
20 લાખ ગ્રાહકો પર થશે અસર
બીજો કોઈ વિકલ્પ બચ્યો નથી
2018-19માં બેંકને 894 કરોડનું નુકસાન થયું હતુ
20 લાખ ગ્રાહકો પર થશે અસર
એલવીએસનું નામ બદલ્યાબાદ બેંકના ગ્રાહકો અને કર્મચારીઓનું શું થશે. કેબિનેટમાં લેવામાં આવેલા નિર્ણયને લઈને કેન્દ્રીય મંત્રી પ્રકાશ જાવડેકરે જણાવ્યું કે બેંકના 20 લાખ ગ્રાહકોને રાહત મળશે. તે શુક્રવારથી પોતાના ખાતા ડીબીએસ બેંક ઈન્ડિયાના ગ્રાહકો તરીકે ઓપરેટ કરી શકશે. બેલઆઉટ પેકેજ અંતર્ગત લક્ષ્મી વિલાસના જમાકર્તાઓને તેમના પુરા પૈસા મળી જશે. તેઓ ઈચ્છે તો બેંકમાં પુરા પૈસા રાખી શકે છે.
કેમ લીધો નિર્ણય
ભારતીય રિઝર્વ બેંકના જણાવ્યાનુંસાર બેંક તરફથી વિશ્વસનીય પુનરોદ્ધાર યોજના રજુ કરવાની સ્થિતિમાં થાપણદારોના હિતમાં આ નિર્ણય લીધો છે. સાથે બેંકિંગ અને નાણા સેક્ટરની સ્થિતિના હિતોનું પણ ધ્યાન રાખવામાં આવ્યું છે. કેન્દ્રીય બેંકે કહ્યું કે આ ઉપરાંત બીજો કોઈ વિકલ્પ બચ્યો નથી. આ સાથે કેનરા બેંકના પૂર્વ ગેર કાર્યકારી ચેરમેન ટી. એન. મનોહરણને લક્ષ્મી વિલાસ બેંકના વ્યવસ્થાપર નિયુક્ત કરવામાં આવ્યા છે.
કેવી રીતે શરુ થયું સંકટ
ગત વર્ષમાં જ્યારે બેંકના ગ્રોથને તેના લોન બુક સાથે જોડીને જોવામાં આવે તો સતત ખરાબ સમય ચાલી રહ્યો હતો. 4-5 વર્ષથી લક્ષ્મી વિલાસ બેંકના રિટેલ, , MSME અને SMEની મોટી લોનો આપવાનુ શરુ કર્યા બાદ તે મુસીબત બની ગયું હતું. અર્થવ્યવસ્થામાં તેજી ન હોવાથી લોન એનપીએ બની ગઈ હતી. અંદાજ મુબજ 3થી 4 હજાર કરોડ કોર્પોરેટ લોન છે. 2018-19માં બેંકને 894 કરોડનું નુકસાન થયું હતુ.
94 વર્ષ જૂની છે આ બેંક
એલવીએસ બેંકનું ગઠન 1926માં થયું હતુ. દેશભરમાં બેંકની 16 રાજ્યોમાં 566 શાખાઓ અને 918 એટીએમ ચાલી રહ્યા છે. બેંકે પોતાના ગ્રાહકોને વિશ્વાસ અપાવ્યો છે કે હાલના સંકટમાં તેમની જમા રકમ પર કોઈ અસર નહીં પડે. બેંકે કહ્યું હતું કે 262 ટકાથી તરલસા સુરક્ષા અનુપાત(એલસીઆર)ની સાથે જમાકર્તા, બોન્ડધારક, ખાતાધારક અને લેનદારોની સંપત્તી પૂરી રીતે સુરક્ષિત છે.