ગુજરાતમાં કોરોના XEનું નવું વેરિયેન્ટ મળ્યું છે. આ પહેલા મુંબઈમાં પણ એક દર્દી આ નવા વેરિયેન્ટથી સંક્રમિત થઈ ચૂક્યો છે.
ગુજરાતમાં કોરોનાના નવા વેરિએન્ટ XEએ દસ્તક
ગુજરાતમાં છેલ્લા 24 કલાકમાં કોરોનાના કેસ 150 ટકા વધ્યા
રાજ્યમાં હાલ એક્ટિવ કેસોની સંખ્યા 86
ગુજરાતમાં કોરોનાના નવા વેરિએન્ટ XEએ દસ્તક આપી છે. આ નવા વેરિએન્ટના પહેલા કેસની પુષ્ટિ થઈ છે. આ પહેલા માયાનગરી મુંબઈમાં પણ આ વેરિયન્ટનો કેસ મળી આવ્યો હતો. આ વાયરસને ખૂબ જ ચેપી માનવામાં આવે છે, આવી સ્થિતિમાં, સરકાર પણ સંપૂર્ણ સાવચેતી રાખી રહી છે.
ગુજરાતમાં કોરોનાના નવા વેરિએન્ટ XEએ દસ્તક
ગુજરાતમાં કન્ફર્મ થયેલા કેસ અંગે 13 માર્ચે આ વ્યક્તિ કોવિડ પોઝિટિવ નીકળ્યો હોવાનું સામે આવ્યું છે. પરંતુ એક અઠવાડિયા બાદ તેની હાલત ઠીક હતી. પરંતુ જ્યારે સેમ્પલના રિઝલ્ટ આવ્યા તો તેમાં રહેલી વ્યક્તિ XE વેરિયન્ટથી સંક્રમિત હોવાનું સામે આવ્યું છે.
ગુજરાતમાં એક દિવસમાં કોરોનાના કેસ 150 ટકા વધ્યા
આમ રાજ્યમાં કોરોનાના કેસમાં ઘટાડો થઈ રહ્યો છે.ત્યારે ગુજરાતમાં એક દિવસમાં કોરોનાના કેસ 150 ટકા વધ્યા છે. જેમાં ગાંધીનગરમાં 15 અને જિલ્લામાં 2 નવા કેસ નોંધાયા છે. જેની સાથે રાજ્યમાં કુલ 86 એક્ટિવ કેસ થવા પામ્યા છે. જેમાં 2 દર્દી વેન્ટિલેટર પર છે. આ સાથે અમદાવાદ શહેરમાં પણ 2 કેસ નોંધાયા છે. 6 કોર્પોરેશન અને 31 જિલ્લામાં કોરોનાના શૂન્ય કેસ રહ્યા છે.
રાજ્યમાં 86 એક્ટિવ કેસ
અગાઉ 24 માર્ચે 26 કેસ હતાં. રાજ્યમાં અત્યાર સુધીમાં 12 લાખ 23 હજાર 991ના રિપોર્ટ પોઝિટિવ આવ્યા છે, જ્યારે મૃત્યુઆંક 10 હજાર 942 પર સ્થિર છે. તેમજ અત્યાર સુધીમાં 12 લાખ 12 હજાર 963 દર્દી ડિસ્ચાર્જ થયા છે. એક્ટિવ કેસની વાત કરીએ તો રાજ્યમાં હાલ 84 એક્ટિવ કેસ છે, 2 દર્દી વેન્ટિલેટર પર, 82 દર્દીની હાલત સ્થિર છે.
રાજ્યમાં છેલ્લા 18 દિવસથી કોરોનાથી એકપણ મૃત્યુ નહી
આ સાથે રાજ્યમાં છેલ્લા 18 દિવસથી કોરોનાથી લઈ એક પણ મોત નોંધાયું નથી. બીજી બાજુ રાજ્યનો રિકવરી રેટ 99.10 ટકા પર સ્થિર રહ્યો છે. આમ 15 દિવસ બાદ રાજ્યમાં 20થી વધુ કેસ નોઁધાયા છે.