કામની વાત / હવેથી બેંક એકાઉન્ટમાં માત્ર એક નહીં, 4-4 નોમિનીના નામ દાખલ કરી શકશો, જાણી લો આ નવો નિયમ

આજે લગભગ દરેક વ્યક્તિનો બેંક ખાતો હોય છે. ઘણા લોકો પાસે સેલેરી એકાઉન્ટ અને કેટલાક પાસે સેવિંગ્સ એકાઉન્ટ હોય છે. જ્યારે આપણે બેંકમાં ખાતું ખોલીએ છીએ, ત્યારે ડેબિટ કાર્ડ, ચેકબુક, ઈન્ટરનેટ બેંકિંગ, અને મોબાઈલ બેંકિંગ જેવી ઘણી સુવિધાઓ મળે છે. આ ઉપરાંત, બેંક ખાતામાં પોતાનો નોમિની પણ ઉમેરી શકાય છે. નોમિની એટલે તે વ્યક્તિ જેની જિંદગીમાં એકાઉન્ટ ધારકના મૃત્યુ પછી, ખાતામાં જમા થયેલા પૈસા તે મેળવી શકે છે.

હવે, ભારત સરકારએ એક મહત્વપૂર્ણ ફેરફાર કર્યો છે. હવે ખાતાધારક એકથી વધારે નોમિની ઉમેરી શકશે. પહેલા ખાતાધારક માત્ર એક જ નોમિની ઉમેરી શકતા હતા, પરંતુ હવે આ સંખ્યા વધારીને ચાર કરી દીધી છે. આ નિર્ણય માટેનો કાયદો 2024 માં લોકસભામાં પસાર થયો.

ફેરફારની જરૂર કેમ પડી?

આ ફેરફાર માટેના કારણો છે કે 2020માં કોરોનાવાઇરસ મહામારી દરમિયાન ઘણા લોકોના અવસાન થયા છે. તે સમયે, ઘણા કેસોસ સામે આવ્યા છે કે એકવાર કોઈનું અવસાન થયા પછી, તે વ્યક્તિના બેંક ખાતામાં કઈ રીતે પૈસા વિતરણ થાય તે અંગે સમસ્યા ઉભી થઇ હતી. આથી, ઘણા કાયદાકીય વિવાદો ઊભા થયા હતા. આ કારણે, સરકારને કાયદામાં ફેરફાર કરવાની જરૂર પડી, જે ખાતાધારકના મોત પછી પૈસા વિતરણની પ્રક્રિયાને સરળ બનાવે છે. હવે, ખાતાધારકને પોતાના બેંક ખાતામાં 4 સુધી નોમિની ઉમેરવાની પરવાનગી મળી છે.

કોને કેટલા પૈસા મળવા જોઈએ?

નવી નીતિ મુજબ, ખાતાધારક માત્ર નોમિનીને જ ઉમેરી શકતા નથી, પરંતુ હવે તેઓ એ પણ નક્કી કરી શકશે કે બેંક ખાતામાં કેટલા પૈસા દરેક નોમિનીને આપવામાં આવશે જેમ કે, ખાતાધારક 50% પૈસા એક નોમિનીને, 30% બીજા નોમિનીને અને 20% ત્રીજા નોમિનીને આપી શકે છે. જો તમે તમારા બેંક ખાતામાં વધુ નોમિની ઉમેરવા માંગો છો, તો તમારે ખાતું ખોલતી વખતે બેંક ફોર્મ પર ચાર નોમિનીના નામ અને વિગતો ભરવાની હશે. આ રીતે, તમારી મનપસંદ નોમિનીને તમે પસંદ કરી શકો છો, અને તમારા મૃત્યુ પછી ખાતામાં રહેલા પૈસા તેમના વચ્ચે વિતરણ કરી શકો છો.

વધુ વાંચો : નોકરી શરૂ થતા જ આ સ્કીમમાં રોકાણ શરૂ કરી દો, રિટાયરમેન્ટ બાદ તકલીફ નહીં પડે, સાથે અન્ય લાભ ખરો

આ નિયમોનો ઉદ્દેશ મહત્વપૂર્ણ છે, કારણ કે આથી મૃત્યુ પછી બેંક ખાતામાં પૈસા વિતરણ કરવાનું સરળ બની શકે છે. તે કાયદાકીય વિવાદો અને વિલંબોને ટાળી શકે છે, જે અગાઉ બહુવાર જોવા મળતા હતા.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ