રાહતના એંધાણ / હવેથી આટલા લાખની આવક ધરાવનારાઓએ નહીં ભરવો પડે ઇન્કમટેક્સ! સરકાર તૈયાર કરી રહી છે આ માસ્ટર પ્લાન

• ટેક્સ પેયર્સ માટે ખુશખબર 
• હવે આટલી આવક પર નહીં ભરવો પડે ટેક્સ 
• જાણો સરકારનો માસ્ટર પ્લાન 

2023ના બજેટને લઈને સરકારે તૈયારીઓ શરૂ કરી દીધી છે અને લોકોને આ વખતે ટેક્સ સ્લેબમાં ફેરફાર કરવામાં આવે તેવી આશા છે. પૂર્વ બજેટ બેઠકોની શરૂઆતમાં જ તેને સંશોધિત કરવાની માંગ ઉઠવા લાગી છે. કેન્દ્ર સરકાર બે વર્ષ જુની વૈકલ્પિક વ્યક્તિગત આવક વ્યવસ્થામાં ટેક્સ-મુક્ત સ્લેબ વધારીને 5 લાખ રૂપિયા કરવા પર વિચાર કરી રહી છે. 

એક સરકારી અધિકારી અનુસાર હાલ ટેક્સ પેયરની વાર્ષિક ઈનકમ 2.50 લાખ રૂપિયા હોવા પર તેને કોઈ ટેક્સ ચુકવવા પડતો નથી. ટેક્સ મુક્ત સ્લેબની મર્યાદા વધારવાથી ટેક્સ પેયર્સ પર ટેક્સનો બોજો ઘટી જશે અને તેમની પાસે ખર્ચ કરવા અથવા ઉપયુક્ત રોકાણ કરવા માટે વધારે પૈસા વધશે. 

તેમણે જણાવ્યું કે હાલ ઘણા ઓછા કરદાતાઓએ વૈકલ્પિક ટેક્સ વ્યવસ્થાનો વિકલ્પ પસંદ કર્યો છે. ટેક્સ પેયર્સ કલમ 80સી, કલમ 80ડી જેવી કર છૂટનો લાભ લે છે તો જુના વ્યક્તિગત આવકવેલા પ્રણાલીમાં ટેક્સ ભરવાનો ઓછો આવે છે. પરંતુ નવી વ્યવસ્થામા કોઈ પ્રકારની કરકસરનો ફાયદો નથી મળતો. આ પગલું એટલા માટે ઉઠાવવામાં આવી રહ્યું છે  કારણ કે નવી ઈનકમટેક્સ વ્યવસ્થાને ઘણા ઓછા લોકોએ અપનાવી છે. 

આવતા અઠવાડિયાથી શરૂ થશે ટેક્સ સંબંધીત એજન્ડા 
સૂત્રોના જણાવ્યા અનુસાર સામાન્ય બજેટની તૈયારીઓ વખતે આ મુદ્દાને ઉઠવવામાં આવ્યા છે અને સંબંધિત વિભાગો પાસેથી વ્યવસ્થામાં સુધાર માટે સુચનો આપવા માટે કહ્યું છે. અધિકારીનું કહેવું છે કે બજેટની કવાયત હેઠળ કર સંબંધી એજન્ડા અલગ અઠવાડિયાથી શરૂ થશે. 

જ્યાં અમે કરવેરા પ્રણાલીમાં આવા ફેરફારોની શક્યતાઓ પર ધ્યાન આપીશું. જો કે, તેમણે કહ્યું કે આવી કોઈપણ દરખાસ્ત પર વિચાર કરતી વખતે, એ જોવું જોઈએ કે આ ફેરફાર સરકારને પ્રાપ્ત થતી કુલ આવક પર કેટલી અસર કરશે અને અમારી પાસે આમ કરવાનો અવકાશ છે કે નહીં.

તેમણે કહ્યું કે નવી સિસ્ટમ હેઠળ કરમુક્ત શ્રેણીમાં વધારો થવાને કારણે આવક પર અસરનો પ્રારંભિક અંદાજ કરવામાં આવ્યો છે અને તે બજેટ નિર્માતાઓને વિચારણા માટે મોકલવામાં આવી શકે છે. તેમણે કહ્યું કે આ વાત પર પણ ચર્ચા થઈ શકે છે કે પર્સનલ ઈન્કમ ટેક્સની જૂની અને નવી સિસ્ટમમાં કોઈ ફેરફાર કરવાની જરૂર નથી.

નવા ટેક્સ સ્લેબને આ રીતે સમજો
નવા ટેક્સ સ્લેબ પર નજર કરીએ તો તેમાં ટેક્સનો દર ઓછો રાખવામાં આવ્યો છે. નવો ટેક્સ સ્લેબ જૂના સ્લેબથી ઘણી રીતે અલગ છે. તેમાં ઓછા રેટ પર સ્લેબ વધારે છે. આ સિવાય જૂના ટેક્સ સ્લેબની સરખામણીમાં ઘણી છૂટ અને કપાતનો લાભ ઓછો કરવામાં આવ્યો છે. આ સિસ્ટમમાં જેમ જેમ આવક વધે છે તેમ ટેક્સ સ્લેબ વધે છે અને આ ક્રમમાં ટેક્સની જવાબદારી પણ વધે છે.

2.5 લાખ સુધીની કમાણી પર ઝીરો ટેક્સ

• 2.5-5 લાખ પર 5% (87A હેઠળ મુક્તિ)
• 5-7.5 લાખ પર 10%,
• 7.5-10 લાખ પર 15%,
• 10-12.5 લાખ પર 20%,
• 12.5-15 લાખ પર 25%,
• 15 લાખથી વધુની આવક પર 30 ટકા ટેક્સ ચૂકવવો પડશે.