1 ડિસમ્બરથી માચિસ સહિત બીજી કેટલીક વસ્તુઓના ભાવમાં વધારો થવાનો છે. 1 રુપિયાની માચિસ હવે 2 રુપિયામાં મળશે તે ઉપરાંત એલપીજીના ભાવમાં વધારાની સંભાવના છે.
1 ડિેસમ્બરથી માચિસ, ક્રેડિટ કાર્ડ તથા એલપીજીના ભાવ વધશે
1 રુપિયાની માચિસ હવે 2 રુપિયામાં મળશે
મોંઘવારી માર પડશે વર્ષના છેલ્લા મહિનામાં
2021ના છેલ્લા મહિના એટલે કે ડિસેમ્બરમાં ઘણી વસ્તુઓ મોંઘી થવાની છે. ડિસેમ્બરમાં લોકો પર મોઁઘવારીનો માર પડવાનો છે. આ મહિનામાં માચિસ સહિત રોજબરોજની ચીજવસ્તુઓ મોંઘી થવાની છે.
માચિસ થશે મોંઘી
1 ડિસેમ્બરથી માચિસના ભાવમાં 1 રુપિયાનો વધારો થશે. આ વધારાના બાદ માચિસની કિંમત 2 રુપિયા થશે. લગભગ 14 વર્ષ બાદ માચિસની કિંમતમાં વધારો થવાનો છે. છેલ્લી વાર 2007 માં માચિસની કિંમતમાં 50 પૈસાનો વધારો કરાયો હતો.
PNB ગ્રાહકોને ઝટકો
પંજાબ નેશનલ બેંક (પીએનબી)એ તેના સેવિંગ એકાઉન્ટ ધારકોને મોટો ઝટકો આપ્યો છે. પીએનબીએ બચત ખાતાના વ્યાજદરમાં ઘટાડાની જાહેરાત કરી છે. બેન્ક હવે વાર્ષિક વ્યાજ દર ૨.૯૦ ટકાને બદલે ૨.૮૦ ટકા આપશે. નવા દરો ૧ ડિસેમ્બરથી અમલમાં આવશે.
SBI ક્રેડિટ કાર્ડ મોંઘા
SBI ક્રેડિટ કાર્ડ વાપરતા લોકો માટે પણ માઠા સમાચાર છે. SBI દ્વારા આપવામાં આવેલી માહિતી મુજબ, દરેક ખરીદીના 99 રૂપિયા ટેક્સ તરીકે અલગથી ચુકવવા પડશે, આ પ્રોસેસિંગ ચાર્જ હોવાનું બેન્કે જાહેર કર્યું છે.
LPGની કિંમતમાં પણ ફેરફારઃ LPG ગેસના ભાવમાં પણ ડિસેમ્બર મહિનામાં ફેરફાર થઈ શકે છે. એલપીજીના ભાવમાં ફરી એકવાર વધારો થવાની સંભાવના છે. ઉપરાંત એટીએફ અથવા જેટ ફ્યુઅલ પણ મોંઘું થઈ શકે છે.
આ વસ્તુઓના ભાવમા પણ વધારો
રેડ ફોસ્ફરસના ભાવ રુપિયા 410 થી વધારીને રુપિયા 860 કરાયા છે. તે રીતે 72 રુપિયામાં મળતું વેક્સ હવે 85 માં મળશે, આ પ્રમાણે પોટેસિશન ક્લોરેટના ભાવ વધીને 80 રુપિયા તે ઉપરાંત કાચા માલના ભાવમાં પણ ઘણો વધારો થયો છે.