સંપત્તિ / શાહરુખ પાસે કેટલી છે પ્રોપર્ટી? લંડન, દુબઈ, આલીશાન વિલાથી લઈ આ રોયલ વસ્તુઓનો માલિક છે કિંગખાન

• સુપરસ્ટાર શાહરૂખ ખાન દુનિયાના સૌથી અમીર સ્ટાર્સમાંથી એક
• રૂ.200 કરોડનો મુંબઈમાં આલીશાન સી-ફેસિંગ બંગલો 'મન્નત
• શાહરૂખ ખાનના લંડન-દુબઈના લક્ઝુરિયસ વિલા છે
• શાહરૂખ ખાનનું પ્રોડક્શન હાઉસ અને IPL ટીમ પણ છે

સુપરસ્ટાર શાહરૂખ ખાન દુનિયાના સૌથી અમીર સ્ટાર્સમાંથી એક છે. પોતાના કામના કારણે તેણે માત્ર પ્રસિદ્ધિ જ નહીં પરંતુ ઘણી સંપત્તિ પણ મેળવી છે. શાહરૂખ ખાનનો મુંબઈમાં આલીશાન સી-ફેસિંગ બંગલો 'મન્નત' છે, જેમાં તે તેના આખા પરિવાર સાથે રહે છે. આ ઘરની કિંમત લગભગ 200 કરોડ રૂપિયા હોવાનું કહેવાય છે. આ સિવાય તે ઘણી મોંઘી વસ્તુઓનો માલિક છે જેની કિંમત જોઈને કોઈનું પણ માથું ચકરાઈ જશે.

પ્રોડક્શન હાઉસ

શાહરૂખ ખાનનું પોતાનું પ્રોડક્શન હાઉસ છે. જેનું નામ 'રેડ ચિલીઝ એન્ટરટેઈનમેન્ટ' છે. તેની શરૂઆત અભિનેતાએ વર્ષ 2002માં પતિ ગૌરી ખાન સાથે મળીને કરી હતી. એક રિપોર્ટ અનુસાર આ પ્રોડક્શન હાઉસનું વાર્ષિક ટર્નઓવર 500 કરોડ રૂપિયા છે.

લંડનમાં 183 કરોડનો વિલા

શાહરૂખ ખાનનો સેન્ટ્રલ લંડનના પાર્ક લેનમાં વિલા છે. મળતી માહિતી મુજબ આ વિલાની કિંમત 183 કરોડ રૂપિયા છે. આ વિલા શાહરૂખ ખાનની સૌથી મોંઘી પ્રોપર્ટીની યાદીમાં સામેલ છે. તે અવારનવાર તેના પરિવાર સાથે લંડનના આ વિલામાં સમય પસાર કરવા જાય છે.

ભેટમાં આલીશાન ઘર મળ્યું

દુબઈના પામ જુમેરાહમાં શાહરૂખનો બીજો વિલા પણ છે જેમાં તમામ પ્રકારની સુવિધાઓ છે. આ વિલાનું નામ 'જન્નત' છે. આ વિલાની કિંમત 100 કરોડ રૂપિયા છે. દુબઈ સ્થિત પ્રોપર્ટી ડેવલપર નખિલે વર્ષ 2007માં આ વિલા શાહરૂખને ભેટમાં આપ્યો હતો.

IPL ટીમ કોલકાતા નાઈટ રાઈડર્સ

શાહરૂખ ખાન અભિનેતા હોવા ઉપરાંત એક સફળ બિઝનેસમેન પણ છે. તેની પોતાની આઈપીએલ ટીમ 'કોલકાતા નાઈટ રાઈડર્સ' છે જેની સહ-માલિક જૂહી ચાવલા છે. આ ટીમમાં શાહરૂખ ખાનની 55 ટકા ભાગીદારી છે. આ IPL ટીમની બ્રાન્ડ વેલ્યુ લગભગ 718 કરોડ રૂપિયા છે.

કરોડોની કિંમતની લક્ઝરી કારોનું કલેક્શન

કિંગ ખાન લક્ઝરી કારનો શોખીન છે. તેની પાસે એકથી એક લક્ઝરી કારનું કલેક્શન છે. શાહરૂખ ખાન બુગાટી વેરોનનો માલિક છે, જેની કિંમત 14 કરોડ રૂપિયા છે. શાહરૂખ ખાન પાસે રોલ્સ રોયસ ફેન્ટમ ડ્રોપહેડ કૂપ છે, જેની કિંમત રૂ. 7 કરોડ છે. આ સિવાય અભિનેતાના કાર કલેક્શનમાં BMW, Bentley Continental GT અને લક્ઝરી વેનિટી વેન પણ સામેલ છે.