દેશમાં દિવસે-દિવસે મોંઘવારી વધી રહી છે. ત્યારે હવે લોકો પર વધુ એક બોજ પડી શકે છે. દરરોજ ઉપયોગમાં લેવાતી ચીજ-વસ્તુઓની કિંમતમાં વધારો થઈ શકે છે. MFSG ઈન્ડસ્ટ્રીના નિષ્ણાંતો પ્રમાણે ઘઉ અને ખાદ્યતેલની કિંમતમાં વધારો થતા આગામી દિવસોમાં લોકોને ચીજ-વસ્તુઓના વધુ રૂપિયા ચૂકવવા પડશે.
લોકો પર મોંઘવારીનો વધુ એક બોજ પડી શકે છે
ડુંગળી-લસણ બાદ હવે જીવનજરૂરી ચીજવસ્તુના વધશે ભાવ
ઘંઉ અને ખાદ્યતેલની કિંમતમાં 12થી 20 ટકાનો થયો છે વધારો
પેકેટની સાઈઝ નાની કરવી પડશે
જાન્યુઆરી મહિનામાં ટીવી અને ફ્રીઝના ભાવમાં પણ વધારો થઈ શકે છે. નૈસ્લે, પારલે અને ITCની કંપનીઓ મુજબ ઘઉ અને ખાદ્યતેલની કિંમતમાં 12થી 20 ટકાનો વધારો થયો છે. જેના કારણે ચીજ-વસ્તુઓના ભાવમાં વધારો કરવો પડશે અથવા તેમના પેકેટની સાઈઝ નાની કરવી પડશે. આ ઉપરાંત નવી ટેકનોલોજી અને ઓછા વીજ વપરાશના ઉપકરણોના ઉત્પાદનના દબાણને કારણે ફ્રીઝ અને ટીવીના ભાવ વધે તે નક્કી છે.
કાચા માલ થયો મોંઘો
ઇકોનોમિક ટાઇમ્સની રિપોર્ટ અનુસાર, આઇટીસીએ કહ્યું કે, ઉત્પાદનોને તૈયાર કરવામાં ઉપયોગ થતા કાચા માલની કિંમતોમાં વૃદ્ધિને પગલે કેટલીય કંપનીઓ જલ્દી જ આ વિશે નિર્ણય લઇ ચૂકી છે. દૂધની કિંમતોમાં 35 ટકા વધારો થયા બાદ હવે લોટ 18થી 20 ટકા, ખાંડ 14 ટકા અને ખાદ્ય તેલ 15 ટકા મોંઘુ થઇ ચૂક્યું છે.
આ વસ્તુઓની કિંમતોમાં થશે વધારો
જાન્યુઆરીથી બિસ્કિટ, નૂડલ્સ, સ્નેક, નમકીન, ફ્રોઝન ફૂડ, કેક, સાબુ અને રેડી ટૂ ઇટ મીલ્સની કિમંતોમાં વધારો કરવામાં આવી શકે છે. કંપનીઓનું કહેવું છે કે, જો કિંમતોમાં વધારો નહીં થાય તો પછી તેનું ખર્ચ વધતુ જશે, જેથી નુકશાન થશે.