દર મહિનાની પહેલી તારીખે ઘણા ફેરફારો થાય છે અને જૂનની પહેલી તારીખે પણ ઘણા ફેરફારો થવાના છે જેની સીધી અસર સામાન્ય માણસના ખિસ્સા પર પડવાની છે.
બે દિવસ બાદ જૂન મહિનો શરૂ થશે
દર મહિનાની પહેલી તારીખે ઘણા ફેરફારો થાય છે
જૂનની પહેલી તારીખે પણ ઘણા ફેરફારો થવાના છે
મે મહિનો પૂરો થવામાં હવે ગણતરીના દિવસો જ બાકી છે જે બાદ જૂન મહિનો શરૂ થશે. એ વાત તો નોંધનીય જ છે કે દેશમાં દર મહિનાની પહેલી તારીખે ઘણા ફેરફારો થાય છે. એવામાં આજે અમે તમને જણાવી દઈએ કે જૂનની પહેલી તારીખે પણ ઘણા ફેરફારો થવાના છે અને એ ફેરફારોની સીધી અસર સામાન્ય માણસના ખિસ્સા પર પડવાની છે.
ચાલો જોઈએ કે 1 જૂનથી શું ફેરફારો થવાના છે..
ગેસ સિલિન્ડરની કિંમત
નોંધનીય છે કે ગેસ સિલિન્ડરનો દર પણ દર મહિનાની શરૂઆતમાં બદલાય છે. એપ્રિલમાં એલપીજી કોમર્શિયલ ગેસ સિલિન્ડરના ભાવમાં ઘટાડો કરવામાં આવ્યો હતો અને મે મહિનામાં પણ એલપીજી સિલિન્ડરની કિંમતમાં ધરખમ ઘટાડો કરવામાં આવ્યો હતો. હવે જોવાનું રહ્યું કે જૂન મહિનામા ભાવના ઘટાડો થાય છે કે નહીં..
CNG-PNG ભાવ
સીએનજી અને પીએનજીના ભાવ દર મહિનાની પહેલી તારીખે બદલાય છે. પેટ્રોલિયમ કંપનીઓ દિજૂનની શરૂઆતમાં CNG અને PNGની કિંમતોમાં ફેરફાર કરી શકે છે.
ઇલેક્ટ્રિક ટુ વ્હીલર મોંઘા થશે
ભારતમાં ઈલેક્ટ્રિક ટુ-વ્હીલર 1 જૂન, 2023થી મોંઘા થવા જઈ રહ્યા છે. 21 મેના રોજ જારી કરાયેલ નોટિફિકેશન મુજબ FAME-II સબસિડીની રકમને સુધારીને રૂ. 10,000 પ્રતિ kWh કરી છે, જે અગાઉ રૂ. 15,000 પ્રતિ kWh હતી. જેને લીધે ઈલેક્ટ્રિક વાહનો આ મહીનેથી 25,000 થી 35,000 રૂપિયા સુધી મોંઘા થઈ શકે છે.