આજકાલ લોકોની મોડર્ન લાઈફ સ્ટાઈલ પર્યાવરણને ખુબ નુકશાન પહોચાડે છે. જેમાં સિંગલ યુઝ વપરાતી વસ્તુઓ મોખરે છે. આપણે દરરોજ એવી ઘણી પ્રોડક્ટ વાપરીએ છે જે પર્યાવરણ માટે હાનીકારક છે.
વિશ્વ પર્યાવરણ દિવસ દર વર્ષે 5 જૂને ઉજવાય છે
સિંગલ યુઝ વસ્તુઓ વાતાવરણ માટે નુકશાનકારક
સનસ્ક્રીન અને સ્ક્રબ જેવી કોસ્મેટીક વસ્તુઓ પણ વાતાવરણને નુકશાન કરે છે
વિશ્વ પર્યાવરણ દિવસ
5 જૂન એટલે વિશ્વ પર્યાવરણ દિવસ, વાસ્તવમાં પર્યાવરણ અને તેના મહત્વ વિશે લોકોને જાગૃત કરવા માટે દર વર્ષે તેની ઉજવણી કરવામાં આવે છે. આજકાલ દુનિયાભરના વાતાવરણને ઘણું નુકસાન થયું છે. અજાણતા ઘણી વખત આપણે એવી વસ્તુઓનો ઉપયોગ કરીએ છીએ, જેનાથી આપણી ધરતી માતાને ઘણું નુકસાન થાય છે. આજે વિશ્વ પર્યાવરણ દિવસના અવસર પર અમે તમને ઘરની કેટલીક એવી વસ્તુઓ વિશે જણાવી રહ્યા છીએ જેના ઉપયોગની સીધી અસર આપણા પર્યાવરણ પર પડે છે.
ઘરોમાં વપરાતા પ્લાસ્ટિક પોતા
આજકાલ ઘરોમાં યુઝ એન્ડ થ્રો વસ્તુઓનો વપરાશ વધુ થઇ રહ્યો છે. ત્યારે ઘર સફાઈમાં લોકો ડ્રાય વાઈપ્સ(પોતુ) વાપરતા હોય છે જે પર્યાવરણને ઘણું નુકસાન પહોંચાડે છે. ખરેખર ડ્રાય વાઇપ્સમાં પ્લાસ્ટિક પણ હોય છે, જે કાગળની જેમ પાણીમાં ઓગળતું નથી, તેથી ચહેરો ધોતી વખતે અથવા ઘરની સફાઈ કરતી વખતે ફરીથી વાપરી શકાય તેવા સુતરાઉ કાપડનો ઉપયોગ કરો.
સિંગલ યુઝ પ્લાસ્ટિક
ડિસ્પોઝેબલ કટલરીથી માંડીને પાણીની બોટલ, બેગ અને ફૂડ રેપિંગ વગેરે તમામ પ્લાસ્ટિકના બનેલા હોય છે, જેનો ક્યારેય નાશ થતો નથી. તેઓ પર્યાવરણને સૌથી વધુ નુકસાન પહોંચાડે છે. માટે સિંગલ યુઝ પ્લાસ્ટિકને બદલે પેપર બેગ અને સ્ટીલની બોટલનો વધુ ઉપયોગ કરવો જોઇએ.
માઈક્રોબીડ્સ
માઈક્રોબીડ્સ એક મિલિમીટરથી પણ ઓછાના નક્કર પ્લાસ્ટિક કણોથી બનેલા હોય છે. તે એટલા સુક્ષ્મ હોય હોય છે કે પાણીના શુદ્ધિકરણ પ્રણાલીમાંથી પસાર થઈ શકે છે. આ માઈક્રોપ્લાસ્ટિક દરિયાઈ જીવનને અસર કરી શકે છે. રિપોર્ટ અનુસાર એક જ વરસાદથી એક લાખ પ્લાસ્ટિકના કણો સમુદ્રમાં પ્રવેશી શકે છે, જેનાથી સમુદ્રી જીવ પર મોટો ખતરો ઉભો થઈ શકે છે.
ટેપ
સેલો ટેપના નાના ટુકડાની પર્યાવરણ પર કેટલી મોટી અસર પડી શકે છે તે જાણીને તમને આશ્ચર્ય થશે. આવી સ્થિતિમાં, જો તમે પ્લાસ્ટિક ટેપની જગ્યાએ માસ્કિંગ ટેપ અને સેલોફન જેવી ટેપનો ઉપયોગ કરો છો, તો તે પર્યાવરણ માટે વધુ ફાયદાકારક રહેશે.
કોન્ડોમ પણ પર્યાવરણને નુકસાન પહોંચાડે છે
ફેમિલી પ્લાનિંગ માટે કોન્ડોમનો ઉપયોગ તો દરેક વ્યક્તિ કરે છે પરંતુ કોન્ડોમ પર્યાવરણને પણ ઘણું નુકસાન પહોંચાડે છે. કોન્ડમ પણ પ્લાસ્ટિકમાંથી બને છે અને તેનો યોગ્ય નિકાલ કરવામાં નથી આવતો ત્યારે ઘણી વખત પ્રાણીઓ તેને ખાય છે, જેના કારણે તેમના પેટને નોંધપાત્ર નુકસાન થાય છે.
ટી બેગ
આજકાલ મોટાભાગની ઓફિસોમાં આપણે જોઈએ છીએ કે ટી-બેગનો ઉપયોગ વધુ થાય છે, પરંતુ ટી બેગ પર્યાવરણ માટે હાનિકારક હોઈ શકે છે. ટી બેગને પ્લાસ્ટિકનો ઉપયોગ કરીને સીલ કરવામાં આવે છે, જેનો સંપૂર્ણ નિકાલ કરવામાં આવતો નથી.
આ ઉપરાંત ઘરની ઘણી વસ્તુઓ પણ નુકશાનકારક
આ બધી વસ્તુઓ ઉપરાંત લાઇટ બલ્બ, સિગરેટ, રેઝર, હાથમાં લગાવેલી જેલ કે પછી કેટલીક સનસ્ક્રીન કે સ્ક્રબ ક્રીમ પણ પર્યાવરણને ઘણું નુકસાન પહોંચાડે છે. સીએફએલ અને એલઈડી બલ્બમાં ધાતુના વધુ ઘટકો હોય છે જેમ કે સીસું, તાંબુ અને જસત, જે પર્યાવરણ માટે હાનિકારક સાબિત થઈ શકે છે. સિગારેટ અંગે ડબ્લ્યુએચઓએ કહ્યું છે કે, વન-નાબૂદી, જમીનનું ધોવાણ, જળ પ્રદૂષણ અને કાર્બન ડાયોક્સાઇડના ઉત્સર્જનમાં વધારો જેવી બાબતો માટે તમાકુ જવાબદાર છે. સિગારેટનું ઉત્પાદન દર વર્ષે લાખો ટન ઘન કચરો પણ ઉત્પન્ન કરે છે. આ ઉપરાંત વાળ કાપવા માટે ઉપયોગમાં લેવાતું રેઝર પણ ડિસ્પોઝેબલ નથી. તે જ સમયે, મોટાભાગની જેલોમાં ટ્રિક્લોકાર્બન્સ અને ટ્રાઇક્લોઝન હોય છે. આ રસાયણો વાતાવરણ માટે હાનિકારક છે. રિસર્ચમાં એ પણ સામે આવ્યું છે કે સનસ્ક્રીન કે સ્ક્રબ ક્રીમમાં ઓક્સી બેન્ઝિન, અલ્ટ્રાવાયોલેટ ફિલ્ટર્સ સહિતના ઘટકો હોય છે, જે વિવિધ સમુદ્રી જીવો માટે હાનિકારક છે.