જો તમે ઘર વસાવવા માગતા હોય તો ઝડપથી બુક કરાવી લો કેમ કે 2 જી એપ્રિલથી અફોર્ડેબલ હાઉસિંગમાં પ્રતિ સ્કવેર ફૂટના ભાવ વધારો થશે.
2 એપ્રિલથી રાજકોટમાં ઘરનું ઘર ખરીદવું વધુ અઘરુ થશે
અફોર્ડેબલ અને પ્રિમિયર કન્સ્ટ્રકશનના ભાવ વધ્યા
અફોર્ડેબલમાં પ્રતિ સ્કવેર ફૂટ 650 અને પ્રિમિયર કન્સ્ટ્રકશનમાં 900 રૂપિયાનો વધારો
બિલ્ડર એસોસિએશનની બેઠકમાં નિર્ણય
મોંઘવારીનું વિષચક્ર હવે દરેક ક્ષેત્રને ભરખી રહ્યું છે. કોરોનાના બે વર્ષમાં બાંધકામ વપરાતા તામામ મટીરીયલ્સમાં અને યુક્રેન યુધ્ધ પછી સ્ટીલના ભાવમાં તોતિંગ ઉછાળાના પગલે રાજકોટમાં રેસીડેન્સીયલ,કોમર્શીયલ સહિતના અફોર્ડેબલ બાંધકામમાં પ્રતિ સ્કવેર ફૂટ 650 રૂપિયા અને પ્રિમિયર કન્સ્ટ્રકશનમાં પ્રતિ સ્કવેર ફૂટ 900 રૂપિયાનો વધારો કરવાનો આજે નિર્ણય લેવાયો છે.
રશિયા-યુક્રેન યુદ્ધને કારણે લોખંડ, એલ્યુમિનિયમના ભાવ વધ્યા
રાજકોટ શહેરના બિલ્ડરોની હાજરીમાં ક્રેડાઈ સાથે જોડાયેલ રાજકોટ બિલ્ડર્સ એસો.ની કારોબારી મીટીંગ મળી હતી. જેમાં એસો.ના પ્રમુખ જણાવ્યું કે સીમેન્ટ, સ્ટીલ, રેતી, કપચી, ઈલેક્ટ્રીક વાયર, ટાઈલ્સ, એલ્યુમિનિયમ સેક્શન, પીવીસી પાઈપ વગેરે દરેક ચીજમાં 25 ટકાથી 100 ટકા સુધીનો વધારો થયો છે જેને પગલે બાંધકામની પડતર ઉંચી ગઈ હોય દરેક બાંધકામમાં પ્રતિ ચોરસફૂટે રૂ।.650નો અને લક્ઝરીયસ બાંધકામમાં આશરે રૂ।.900નો વધારો કરાશે. આ વધારો શહેરમાં ચાલતી આશરે એક હજાર જેટલી સાઈટ્સ પર હવે નવા બૂકીંગ થશે તેમાં એપ્રિલના આરંભથી જ લાગુ થશે.