બોલિવૂડ સેલેબ્સ માટે ફિલ્મ્સ અને એડવર્ટાઈઝમેન્ટ કમાણીનો મુખ્ય સોર્સ હોય છે, પરંતુ શું તમે જાણો છો કે આ સિવાય સોશિયલ મીડિયા પણ સ્ટાર્સની ઈન્કમનો બહુ મોટો અને અગત્યનો સોર્સ બની ગયો છે. સ્ટાર્સ તેમના ઈન્સ્ટાગ્રામ પોસ્ટ માટે લાખો રૂપિયા ચાર્જ કરે છે. હાલમાં જ સોશિયલ મેનેજમેન્ટ કંપની હૉપર્સ HQએ ઈન્સ્ટાગ્રામ રિચ લિસ્ટ 2019 રજૂ કરી છે. જેમાં બોલિવૂડ સ્ટાર્સના પ્રતિ પોસ્ટ ચાર્જ પણ જણાવ્યા છે. ચાલો જાણીએ અમિતાભથી લઈને પ્રિયંકા ચોપડા ઈન્સ્ટાગ્રામ દ્વારા કેટલા રૂપિયા કમાય છે.
હાલમાં જ સોશિયલ મેનેજમેન્ટ કંપની હૉપર્સ HQએ રજૂ કરી લિસ્ટ
જેમાં બોલિવૂડ સ્ટાર્સના પ્રતિ પોસ્ટ ચાર્જ જણાવ્યા છે
પ્રિયંકા ચોપડા એક ઈન્સ્ટા પોસ્ટ માટે 1 કરોડ રૂપિયા ચાર્જ કરે છે
પ્રિયંકા ચોપડા
ગ્લોબલ આઈકન અભિનેત્રી પ્રિયંકા ચોપડાના 40 કરોડથી વધુ ઇન્સ્ટાગ્રામ ફોલોઅર્સ છે. તે એક સ્પોન્સર્ડ પોસ્ટ માટે લગભગ 1.87 કરોડ રૂપિયા ચાર્જ લે છે. પ્રિયંકા હાલ દિલ્હીમાં તેના અપકમિંગ પ્રોજેક્ટ વ્હાઇટ ટાઇગરનું શૂટિંગ કરી રહી છે.
અમિતાભ બચ્ચન
અમિતાભ બચ્ચન પણ સોશિયલ મીડિયા પર ખૂબ જ એક્ટિવ રહે છે. તેઓ ઇન્સ્ટાગ્રામ પોસ્ટ માટે 40-50 લાખ રૂપિયા ચાર્જ કરે છે. આમ તો અમિતાભ બચ્ચન તેમના ટ્વિટર એકાઉન્ટ પર સૌથી વધુ એક્ટિવ રહે છે. આમાં તેઓ તેમની કવિતાઓ અને જોક્સ શેર કરે છે.
આલિયા ભટ્ટ
સોશિયલ મીડિયા પ્લેટફોર્મ પર ઝડપથી આગળ વધી રહેલી એક્ટ્રેસ આલિયા ભટ્ટ માત્ર ઈન્સ્ટાગ્રામ પર જ એક્ટિવ નથી રહેતી પરંતુ તેણે તેની યૂટ્યૂબ ચેનલ પણ લોન્ચ કરી છે. ઈન્સ્ટાગ્રામના એક પોસ્ટ માટે તે 1 કરોડ રૂપિયા ચાર્જ લે છે.
શાહરૂખ ખાન
શાહરૂખ હાલ સોશિયલ મીડિયાથી દૂર છે, પરંતુ હાલમાં જ શાહરૂખે તેના કેલિફોર્નિયા વેકેશનની તસવીરો શેર કરી હતી, જે ફેન્સને ઘણી જ પસંદ આવી હતી. શાહરૂખ તેના ઈન્સ્ટાગ્રામ પોસ્ટ માટે 80 લાખથી 1 કરોડ રૂપિયા ચાર્જ કરે છે.
શાહિદ કપૂર
શાહિદ તેની લેટેસ્ટ ફિલ્મ કબીર સિંહથી ઘણો જ પોપ્યુલર થઈ ગયો છે અને ડિરેક્ટર્સમાં પણ તેની ડિમાન્ડ વધી ગઈ છે. યુવાનોમાં પણ તેનો ક્રેઝ વધી ગયો છે. શાહિદ તેના એક ઈન્સ્ટા પોસ્ટ માટે 20-30 લાખ રૂપિયા ચાર્જ કરે છે.
નેહા ધૂપિયા
નેહા ધૂપિયા ભલે ફિલ્મોથી દૂર છે પણ લોકોની વચ્ચે આજે પણ તેનો ચાર્જ બરકરાર છે. નેહાની દરેક ઈન્સ્ટા પોસ્ટ પર લાખો લાઈક્સ આવે છે. તે એક પોસ્ટ માટે 1.5 લાખ રૂપિયા ચાર્જ કરે છે.