બોલીવુડમાં અનેક સેલિબ્રિટીઓ એવી છે, જેની મિત્રતા દરેક જગ્યાએ લોકપ્રિય છે. આંતરરાષ્ટ્રીય ફ્રેન્ડશિપ ડેના દિવસે જાણીએ ફિલ્મ ઈન્ડસ્ટ્રીની અમુક એવી જોડી વિશે જેની મિત્રતાની લોકો આજે કસમ ખાય છે.
આજે આંતરરાષ્ટ્રીય ફ્રેન્ડશિપ ડે
આ ફિલ્મ ઈન્ડસ્ટ્રીની એવી જોડીઓ છે, જેની મિત્રતાની કસમ લોકો ખાય છે
સલમાન અને શાહરૂખ વચ્ચે મિત્રતા છે ખાસ
આજે 7 ઓગષ્ટે આંતરરાષ્ટ્રીય ફ્રેન્ડશિપ ડે 2022ના અવસરે જાણીએ બોલીવુડની અમુક એવી સેલિબ્રિટીઓ વિશે. જેની મિત્રતાની મિશાલ હંમેશા આપવામાં આવે છે.
સલમાન ખાન અને શાહરૂખ ખાન
બોલીવુડના સુપરસ્ટાર સલમાન ખાન અને શાહરૂખ ખાન વચ્ચે મિત્રતા ખાસ છે. જો કે, એક સમયે બંને વચ્ચે અંતર આવી ગયુ હતુ પરંતુ જ્યારે બંને ફરીથી નજીક આવ્યા તો હંમેશા એકબીજાની સાથે ઉભા રહે છે. ગયા વર્ષે જ્યારે ડ્રગ્સ કેસમાં આર્યન ખાનની ધરપકડ થઇ હતી તો સલમાન ખાન એવા થોડા પસંદગી ધરાવતા લોકોમાંથી હતા. જે શાહરૂખને મળવા માટે તેના ઘરે પહોંચ્યા હતા. શાહરૂખ ખાન પણ ઘણી વખત કહી ચૂક્યા છે કે જો તે અને તેમનો પરિવાર કોઈ મુશ્કેલીમાં છે તો સલમાન ખાન પહેલા એવા શખ્સ હશે. જે મદદ માટે આગળ આવશે.
કરણ જોહર અને કાજોલ
પ્રોડ્યુસર-ડાયરેક્ટર કરણ જોહર અને કાજોલની મિત્રતા એવા સમયથી છે, જ્યારે તેઓ ફિલ્મ ઈન્ડસ્ટ્રીમાં આવ્યા પણ નહોતા. બંનેએ એકસાથે ફિલ્મ દિલવાલે દુલ્હનિયા લે જાએંગેમાં સાથે કામ કર્યુ હતુ. ત્યારબાદ બંનેએ કુછ કુછ હોતા હૈ અને કભી ખુશી કભી ગમ જેવી યાદગાર ફિલ્મો આપી હતી. જો કે, વચ્ચે એવા અહેવાલો પણ આવ્યા હતા કે બંને વચ્ચે થોડો તણાવ થયો છે. ત્યારબાદ બંનેએ આવી કોઈ અફવાહને પણ ફગાવી દીધી હતી.
આલિયા ભટ્ટ અને રણવીર સિંહ
બોલીવુડમાં સૌથી સારી મિત્રતાની વાત કરવામાં આવે તો તેમાં આલિયા ભટ્ટ અને રણવીર સિંહનુ નામ પણ લેવામાં આવશે. બંનેએ એકસાથે ગલી બૉયમાં કામ કર્યુ હતુ. જેમાં બંનેની કેમેસ્ટ્રીને ખૂબ પસંદ કરવામાં આવી હતી. થોડા દિવસ પહેલા જ્યારે રણવીર સિંહના ન્યુડ ફોટોશૂટ પર તેની ખૂબ ટીકા થતી હતી ત્યારે પણ આલિયા ભટ્ટ પોતાના મિત્રના સપોર્ટમાં ખુલીને સામે આવી ગઇ હતી. હવે આ જોડી કરણ જોહરના ડાયરેક્શનમાં બની રહેલી ફિલ્મ રૉકી અને રાનીની પ્રેમ કહાનીમાં દેખાશે.