આત્મવિશ્વાસ બુલંદ / દોસ્તો, મર્યા પહેલા ઈતિહાસ રચી જવાનો છું : અલ્પેશ ઠાકોરનો VIDEO થયો વાયરલ

• વિધાનસભા ચૂંટણી પહેલા ઠાકોરનું આત્મબળ 
• અલ્પેશ ઠાકોરે વિડીયો શેર કરી કાઢ્યો બળાપો 
• 'મારા પર ભરોસો રાખજો,હું સમયની રાહમાં 

ગુજરાતની રાજનીતિમાં ટૂંકા ગાળાના સામાજિક આંદોલનથી સત્તાની સીડી સડસડાટ ચઢી જનારા નેતાઓમાં હાર્દિક પટેલ, જીગ્નેશ મેવાણી અને અલ્પેશ ઠાકોરનો સમાવેશ થાય છે. 2015માં પાટીદાર આંદોલન સાથે જ ઉદભવેલું ક્ષત્રિય-ઠાકોર સેનાના આંદોલનના આગેવાન અલ્પેશ  ઠાકોર અમદાવાદના RTO સર્કલ પાસે એક લાખની જનમેદની એકત્રિત કર્યાના દાવા સાથે ગુજરાતમાં ઠાકોર સમાજને થતા અન્યાયના દાવા સાથે સરકાર સામે મેદાને પડ્યા હતા. વાયા કોંગ્રેસ આવેલા ભાજપના નેતા અલ્પેશ ઠાકોરનું ચાને ખૂણે રહેલું કોઈ દર્દ છલકી ઉઠ્યું છે. તેમણે,એક વિડીયો શેર કરતા કહ્યું કે, 'મર્યા પહેલા ઇતિહાસ રચીને જવાનો છું. નબળો નથી થયો, મનથી નથી હાર્યો મનથી તો મજબૂત જ છું. પણ હું સમયની રાહ જોઇશ. સમય પહેલા કંઇ નહીં કરું. એકવાર પડ્યો છું. બે વાર પડ્યો છું. ત્રીજીવાર ના પડીશ ના પડવા દઇશ. ભરોસો રાખજો, ઇમાનદારી અને ખુમારી એ જ છે'

અલ્પેશ ઠાકોર કયા સમયની રાહમાં ?

મનથી મજબૂત એવા અલ્પેશ,કોંગ્રેસમાં આવ્યા,ધારાસભ્ય પણ બન્યા પણ મહત્વાકાંક્ષાની લપસણી કહેવાતી સીડી સડસડાટ ચઢવામાં કશી'ક થાપ ખાઈ ગયા. ભાજપમાં જોડાયા અને પેટા ચૂંટણી લડ્યા. પેટા ચૂંટણીમાં મહાત ખાવી પડી પછી ભાજપમાં હવે નોંધ લેવાવા પુરતી જગ્યા રહી છે. કદાચ આ જ ટીસ અલ્પેશ ઠાકોરને કોરી ખાતી હોય તો નવાઈ નથી હવે ઠાકોર, સમયની રાહ જોઈ રહ્યા છે. અને એ જ ખૂમારી, ઈમાનદારીથી ફરી મેદાનમાં આવવાનું આત્મબળ વધારી રહ્યા છે.