VIDEO / મોંઘવારીના સમયમાં દુલ્હા-દુલ્હનને ગિફ્ટમાં મળી એવી વસ્તુ કે લોકોએ વીડિયો જોઈને કહ્યું વાહ!

• તમિળનાડુમાં કપલને મળી અજીબ ગિફ્ટ 
• પેટ્રોલના ભાવ વધતા ગિફ્ટમાં આપ્યુ પેટ્રોલ
• વીડિયો થઇ રહ્યો છે સોશ્યલ મિડીયા પર વાયરલ

મોંઘવારીની ગિફ્ટ મળી
કપલના લગ્ન થયા તો તેમના મિત્રોએ પેટ્રોલ ગિફ્ટ કર્યુ, તો કોઇએ ગેસ સિલિન્ડર તો બીજા એક મિત્રએ ડુંગળી ખરીદીને આપી. આ ગિફ્ટ સરકારના મોઢા પર તમાચો છે. જે રીતે મોંઘવારી વધી રહી છે તે રીતે મધ્યમવર્ગીય લોકોને કેવી રીતે જીવવું તે જ મોટો પ્રશ્ન બની ગયો છે. કપલનો આ વીડિયો ખુબ વાયરલ થઇ રહ્યો છે. 

શું છે વીડિયોમાં 
વીડિયોમાં તમે જોશો કે મહેમાનો સ્ટેજ પર ઉભા છે અને તેમના હાથમાં પેટ્રોલ, ગેસ સિલિન્ડર અને ડુંગળીની માળા છે. સાથે સ્ટેજ પર ઉભા રહીને પોઝ આપી રહ્યાં છે. વીડિયોમાં બધા જ ખુશ દેખાઇ રહ્યાં છે અને તમે પણ વીડિયો જોશો તો ખ્યાલ આવશે કે દુલ્હન પણ ખુબ જ ખુશ જોવા મળી રહી છે અને હસી રહી છે. 

Couple gets Petrol, Gas Cylinder and Onions as a Wedding Gift in Tamilnadu. pic.twitter.com/IWxqDRXy1s

— बेरोजगार मनराज सिंह (@manraj_mokha) February 18, 2021

વીડિયો શૅર કરતા એક યુઝરે કેપ્શનમાં લખ્યું છે કે તામિળનાડુમાં કપલને લગ્નની ગિફ્ટમાં પેટ્રોલ, ગેસ સિલિન્ડર અને ડુંગળી મળી છે, 45 સેકન્ડના આ વીડિયોની ક્લિપ આગની જેમ વાયરલ થઇ રહી છે. અત્યાર સુધી હજારો લોકોએ આ ક્લિપ જોઇ છે અને લોકો તેને શૅર પણ કરી રહ્યાં છે. 

પેટ્રોલના ભાવ વધતા મુશ્કેલી 
થોડા સમય પહેલા એક એવો વીડિયો પણ વાયરલ થયો હતો જેમાં એક વ્યક્તિ પેટ્રોલ ભરાવવા જાય છે અને નોઝલ પકડીને તેને હલાવે છે. તેમાં ભરાઇ રહેલા પેટ્રોલના ટીંપા પણ તે ટાંકીમાં ખાલી કરી દે છે. આ વીડિયો પણ ખુબ વાયરલ થઇ રહ્યો છે. લોકો આ પ્રકારના વીડિયો દ્વારા વિરોધ નોંધાવી રહ્યા છે.