નેશનલ ઇન્વસ્ટીગેશન બ્યુરોમાં ફરજ બજાવતા એક ACPના માથામાં તેનાજ મિત્રોએ ડોલ મારીને જાનથી મારી નાખવાની ધમકી આપતા મામલો પોલીસ સ્ટેશન સુધી પહોંચ્યો છે. ACPએ તેના મિત્રને મોપેડ ચલાવવા માટે આપ્યુ હતું જે લેવા જતા બન્ને મિત્રોએ તેમના પર હુમલો કર્યો હતો. તેના ગળા પર છરી મુકીને કહ્યુ હતું કે આજે તો તુ બચી ગયો, હવે જો તુ ક્યાંય મળીશ તો જાનથી મારી નાખીશ.
ACPએ તેના મિત્રને મોપેડ ચલાવવા માટે આપ્યુ હતું
બન્ને મિત્રોએ તેમના પર હુમલો કર્યો
ગળા પર છરી મુકીને કહ્યુ હતું કે આજે તો તુ બચી ગયો...
અમદાવાદના મણીનગર વિસ્તારમાં આવેલા સિધ્ધીવિનાયક પાર્કમાં રહેતા અને નેશનલ ઇન્વેસ્ટીગેશન એજન્સીમાં એસીપી તરીકે ફરજ બજાવતા અમિતભાઇ આર્યાએ ખોખરા પોલીસ સ્ટેશનમાં બે મિત્રો વિરુધ્ધમાં મારમારવાની ફરિયાદ કરી છે.
અમિત મોર્યાનો મિત્ર પ્રભુ મુદલીયાર ભાઇપુરા ખાતે રહે અને બન્ને વચ્ચે બે વર્ષથી મિત્રતા છે. તારીખ 5 જાન્યુઆરીના રોજ પ્રભુ અમિતનું મોપેડ ચલાવવા માટે લઇ ગયો હતો અને બીજા દિવસે આપી દઇશ તેમ કહ્યુ હતું. ગઇકાલે અમિત પોતાનું મોપેડ લેવા માટે ભાઇપુરા ગયા ત્યારે પ્રભુ અને વિશાલ ગુસ્સે થઇ ગયા હતા અને ગંદી ગાળો બોલીને મારમારવા લાગ્યા હતા.
બન્ને જણાએ અમિતભાઇને માથામાં ડોલ મારી દીધી હતી. ગળા પર ચપ્પુ મુકીને ધમકી આપી હતી કે આજે તો તુ બચી ગયો.. હવે જો તુ ક્યાંય મળીશ તો જાનથી મારી નાખીશ. બન્ને જણા ત્યાંથી નાસી ગયા હતા. અમિતભાઇએ તરતજ પોલીસ કંટ્રોલને ફોન કરીને જાણ કરી દીધી હતી જેમાં ખોખરા પોલીસે બન્ને મિત્રો વિરુધ્ધમાં ગુનો દાખલ કરીને તપાસ શરુ કરી છે.