કોરોના વાયરસના કહેરથી રમત રમતગમતની દુનિયામાં પણ હાહાકાર મચ્યો છે. કોરોનાને કારણે રમતગમતના કાર્યક્રમોમાં ગ્રહણ લાગી ગયો છે અને હવે આ લિસ્ટમાં પ્રતિષ્ઠિત ફ્રેંચ ઓપન ટેનિસ પણ જોડાઈ ગયું છે. પેરિસની લાલ બજરી પર યોજાનાર વર્ષની બીજી ગ્રાન્ડ સ્લેમ ટૂર્નામેન્ટ પણ મુલતવી રાખવામાં આવી છે.
સ્પોર્ટ્સ જગતને લાગ્યો કોરોનાનો ગ્રહણ
રમતગમતના કાર્યક્રમોમાં ગ્રહણ લાગી ગયો
ફ્રેંચ ઓપન ટેનિસ ટૂર્નામેન્ટ પણ મુલતવી રાખવામાં આવી
આયોજકોએ જણાવ્યું કે, કોરોના વાયરસ મહામારીને કારણે ફ્રેંચ ઓપન ટૂર્નામેન્ટ મુલતવી રાખવામાં આવી છે. જો પરિસ્થિતિ અનુકૂળ રહેશે તો હવે આ ટૂર્નામેન્ટ હવે 20 સપ્ટેમ્બરથી 4 ઓક્ટોબર દરમિયાન રમાશે.
અગાઉ આ ટૂર્નામેન્ટ 24 મેથી 7 જૂન દરમિયાન યોજાવાની હતી. ફ્રેંચ ટેનિસ ફેડરેશન દ્વારા જારી કરાયેલા એક નિવેદનમાં, ટૂર્નામેન્ટની તૈયારી કરી રહેલાં લોકોના સ્વાસ્થ્ય અને સલામતીને ધ્યાનમાં રાખીને ફ્રેંચ ઓપન 2020 રોલાં ગેરાને હાલના સમય માટે મુલતવી રાખવાનો નિર્ણય લેવામાં આવ્યો છે.
ફ્રેંચ ટેનિસ ફેડરેશનએ જણાવ્યું કે, 'કોવિડ-19 સાથે સંકળાયેલા જાહેર આરોગ્ય સંકટથી આખું વિશ્વ પ્રભાવિત છે. હવે આ ટૂર્નામેન્ટ 20 સપ્ટેમ્બરથી 4 ઓક્ટોબર 2020 સુધી રમવામાં આવશે. એટલે કે ટૂર્નામેન્ટ યુએસ ઓપનનાં એક અઠવાડિયા પછી શરૂ થશે.