દુનિયામાં જ્યારે કોઈ પણ દેશની શસ્ત્ર શક્તિની વાત કરવામાં આવે તો વાયુ શક્તિ મહત્વની ગણવામાં આવે છે. પણ શું તમે જાણો છો કે ફ્રાંસમાં એક એવી વ્યક્તિ છે જેની પાસે બાંગ્લાદેશ અને શ્રીલંકા કરતાં પણ વધારે લડાકૂ વિમાન છે.
ફ્રાંસમાં રહેતા બિઓને ટાઉનના 87 વર્ષના મિશેલ પોંટની પાસે દુનિયાની સૌથી મોટી પ્રાઈવેટ ફ્લીટ છે. તેમાં 110 લડાકૂ વિમાન સામેલ છે. ગ્લોબલ ફાયર ઈંડેક્ટ 2019ના અનુસાર બાંગ્લાદેશ પાસે કુલ 90 લડાકૂ વિમાન છે. જ્યારે શ્રીલંકાની પાસે કુલ 76 એરક્રાફ્ટ છે. જેમાં હેલિકોપ્ટરનો પણ સમાવેશ થાય છે.
મિશેલ પોંટના વિમાનોના ફ્લીટમાં હાલમાં જ અમેરિકાનું અત્યાધુનિક એફ-16 પણ સામેલ થયું છે. દુનિયામાં આ એક જ એવી વ્યક્તિ છે જેની પાસે આટલી મોટી સંખ્યામાં હવાઈ જહાજ છે. મિશેલ વ્યવસાયે પાઈલટ રહી ચૂક્યા છે. પોતાના ગાર્ડનમાં આટલી મોટી સંખ્યામાં વિમાનો રાખવાના કારણે તેમનું નામ ગિનિસ બુક ઓફ વર્લ્ડ રેકોર્ડમાં પણ સામેલ થઈ ચૂક્યું છે. ઉલ્લેખનીય છે કે આ દરેક વિમાનમાંથી કોઈ પણ વિમાન હાલમાં ઉડવા માટે સક્ષમ નથી.
તેમના પ્રાઈવેટ મ્યુઝિયમને જોવા માટે દર વર્ષે લગભગ 40 હજાર પર્યટકો પહોંચે છે. તેનાથી થતી કમાણીના કારણે તેઓ નવા ફાઈટર પ્લેનને ખરીદે છે. જેનાથી તેમના વિમાનોની સંખ્યા વધતી જ રહે છે. મિશેલે લડાકૂ વિમાનોના સંગ્રહ કરવાનું કામ 1980માં શરૂ કર્યું હતું. તેઓને પહેલું લડાકૂ વિમાન સેનાની તરફથી એક રેસ જીતવા માટે ઈનામમાં મળ્યું હતું. તેમની પાસે એક મિગ-21 વિમાન પણ છે. જેનો ઉપયોગ આજે પણ ભારતીય વાયુ સેના કરે છે.
બ્રિટિશ મૂળનું સિંગલ એન્જિનનું ડીએચ-112 વેનમ વિમાન પણ તેમની પાસે છે. તેનો ઉપયોગ રોયલ એરફોર્સ દ્વારા સ્વેજ સંકટ સમયે કરવામાં આવ્યો હતો. તો ફ્રાંસીસી મૂળનું સીંગલ સીટ અને સિંગલ એન્જિનનું ડસોલ્ટ મિરાજ પણ છે. તે એક લડાકૂ વિમાન છે. આ વિમાન ફ્રાંસીસી કંપની ડસોલ્ટ એવિએશન દ્વારા વિકસિત કરાયું છે. આ ઉપરાંત બેલ્જિયમ એરફોર્સનું લડાકૂ વિમાન ડસોલ્ટ મિરાજ 5બીએ છે. જેને પર્યટકો માટે લોનમાં રાખવામાં આવ્યું છે. વિયેતનામના યુદ્ધમાં અમેરિકી સેના દ્વારા Vought F-8 Crusaderનો ઉપયોગ મુખ્ય રીતે કરવામાં આવ્યો હતો. તે પણ 110 વિમાનમાં સામેલ છે.