ફ્રાંસની Lazareth કંપની એવી બાઇક પર કામ કરી રહી છે જે માત્ર એક બટન દબાવતાં જ હવામાં ઉડવા લાગશે. Lazareth દ્વારા બનાવવામાં આવેલી આ બાઇકનું નામ LMV496 રાખવામાં આવ્યું છે, જે માત્ર એક સ્વિચ દબાવતા જ હવામાં ઉડવા લાગે છે. રિપોર્ટ અનુસાર, કંપની આ બાઈકના શરૂઆતમાં 5 પ્રોટોટાઇપ બનાવી રહી છે, જેમાંથી 4ને સામાન્ય લોકો ખરીદી શકે એ માટે રાખવામાં આવશે.
ફ્રાંસની કંપનીએ બનાવી ઉડે એવી ઈલેક્ટ્રિક બાઈક
સિંગલ ચાર્જમાં 96 કિમીનું અંતર કાપી શકે છે
બાઈકની કિંમત 3.5 કરોડ રૂપિયા રાખવામાં આવી છે
Lazareth કંપની કસ્ટમાઇઝ ગાડીઓ માટે ઓળખાય છે, LMV496 બાઇકમાં 4 જેટ એન્જિનનો ઉપયોગ કરવામાં આવ્યો છે. જે 1300 એચપી ર્થસ્ટ આપે છે. આ ઇલેક્ટ્રિક બાઈક સતત 10 મિનિટ સુધી હવામાં ઉડી શકે છે. જ્યારે બાઈકના રેન્જની વાત કરવામાં આવે તો તે સિંગલ ચાર્જમાં 96 કિમીનું અંતર કાપી શકે છે.
બાઈકની કિંમત 3.5 કરોડ રૂપિયા રાખવામાં આવી છે
કંપની મુજબ, આ બાઇકનું વજન ઘણું ઓછું રાખવામાં આવ્યું છે. જેથી તેમાં લાઇટ વેટ અને લાઇટ સ્ટિયરિંગ હોવાને કારણે ડ્રાઇવિંગ પોઝિશન સારી બની રહે છે. જ્યારે તેના ડેશબોર્ડ પર સ્પીડ, પોઝિશન, પેટ્રોલ કેપેસિટી વગેરેની તમામ માહિતી મળતી રહેશે. બાઈકના કુલ 5 યૂનિટ્સ બનાવવામાં આવ્યાં છે, જેમાંથી 4ને વેચાણ માટે રાખવામાં આવશે. આ બાઈકની કિંમત 3.5 કરોડ રૂપિયા રાખવામાં આવી છે.
આવતા વર્ષે લાસ વેગાસમાં થનારા કન્ઝ્યુમર ઇલેક્ટ્રોનિક્સ શો (CES)માં નાવા ટેક્નોલોજીઝ તેમની નવી રેસર બાઇક પણ રજૂ કરશે, જે લિથિયમ-આયન બેટરીની સરખામણીએ 10 ગણું વધુ પાવર અને 5 ગણી વધુ એનર્જી આપવામાં સક્ષમ છે. નાવાની આ નવી રેસર બાઇક લંડનમાં વર્ષ 1960માં બનાવવામાં આવેલી રેસર બાઇકથી ઇન્સ્પાયર્ડ છે. નાવાકેપ પેક ફક્ત 2 મિનિટમાં રિચર્જ થઈ જાય છે. તેમજ તેને ઘરમાં 1 કલાકમાં 80 ટકા સુધી ચાર્જ કરી શકાય છે. નાવા 3 સેકંડમાં 100kphની સ્પીડ આપે છે.