ઓલમ્પિક 2020 ટોક્યો ખાતે નીરજ ચોપડાની શાનદાર જીત બાદ જૂનાગઢ ગિરનાર રોપ-વે ઓથોરિટી દ્વારા એક જાહેરાત કરાઈ, નીરજ નામના વ્યક્તિને મળશે ફ્રી રાઈડ
જૂનાગઢ ખાતે ગિરનાર રોપ-વેમાં નીરજ નામના વ્યક્તિને મળશે ફ્રી રાઈડ
ઓલમ્પિક-2020માં નીરજ ચોપડાની જીત બાદ કરાઈ જાહેરાત
નીરજ ચોપડાએ ભાલા ફેંકમાં પ્રાપ્ત કર્યો ગોલ્ડ મેડલ
ભારતની ઑલિમ્પિકમાં ટ્રેક એન્ડ ફિલ્ડમાં ગોલ્ડ મેડલ જીતવાની સવાસો વર્ષ જૂની ભૂખ ભાંગી હોય એમ જવેલીન થ્રોમાં ભારતને પ્રથમ ગોલ્ડ મળી ગયો હતો. ટોક્યો ઓલિમ્પિકમાં પ્રથમ ગોલ્ડ મેડલ જીતનાર ભારતીય ખેલાડી નીરજ ચોપરા પર તમામ દેશવાસીઓને ગર્વ છે. ભારતના તમામ નાગરિકોના મોઢે આજે નીરજ ચોપરનું નામ રમતું થઈ ગયું છે. દેશભરમાંથી તેમના માટે અભિનંદન સંદેશા અને પુરસ્કારોની જાહેરાત કરવામાં આવી રહી છે.
ઓલમ્પિક 2020 ટોક્યો ખાતે નીરજ ચોપડાની શાનદાર જીત બાદ જૂનાગઢ રોપ-વે ઓથોરિટી દ્વારા એક જાહેરાત કરાઈ છે. જે વ્યક્તિનું નામ નીરજ હશે. તેમને રોપ-વે પર ફ્રી બેસવા મળશે. મહત્વનું છે કે, ઓલમ્પિક ગોલ્ડ મેડલ વિજેતા નીરજ ચોપડાની જીત અને દેશના ગર્વને ઉજવણી કરવાની આ અનોખી રીત છે. નીરજ નામ આજે સૌ કોઈ જાણ છે. જેથી તેમના નામ સાથે જ આ યોજના જૂનાગઢ રોપ-વે દ્વારા જાહેર કરાઈ છે. નીરજ નામના વ્યક્તિ 20 ઓગસ્ટ સુધી ફ્રી રાઈડનો લાભ મેળવી શકશે.
ભારતનાં ખાતામાં પહેલો ગોલ્ડ
આખરે ભારતનું સપનું સાકાર થયું, ભાલા ફેંકમાં ભારતનાં સ્ટાર નિરજ ચોપડાએ ઈતિહાસ રચી દીધો છે. ટોક્યો ઑલિમ્પિક્સમાં ભારતને ગોલ્ડની આશા માત્ર નિરજ પાસેથી જ બચી હતી જે નિરજે સાકાર કરી. નિરજે ઑલિમ્પિક્સમાં જે રીતે ભાલો ફેંક્યો તે જોઈને વિશ્વનાં ધુરંધરો પણ હેરાન થઈ ગયા હતા, પહેલા જ રાઉન્ડથી નિરજ ટોપ પર રહ્યા અને 6 રાઉન્ડ સુધી તેમના સ્કોરને કોઈ અડી પણ ન શક્યું.
ગોલ્ડ મેડલ 'ફ્લાઇંગ સિખ'ને સમર્પિત કર્યો
આ ગોલ્ડ મેડલ નીરજ ચોપડાએ દિવગંત મિલ્ખા સિંહને સમર્પિત કર્યો છે, તેમણે કહ્યું કે મારે પોતાનું બેસ્ટ આપવું હતું પણ મે ક્યારેય પણ આ ગોલ્ડ મેડલ વિશે નહોતું વિચાર્યું. હું મિલ્ખાસિંહને મેડલ સાથે મળવા માંગતો હતો. તમને જણાવી દઈએ કે ભારતને ઓલમ્પિક એથ્લેટિકસમાં આ પહેલો મેડલ મળ્યો છે. બીજી બાજુ ઓલમ્પિકણી આ વ્યક્તિગત સ્પર્ધામાં ભારતને આ 13 વર્ષ બાદ બીજો ગોલ્ડ મળ્યો. આ પહેલા ઓલમ્પિક 2008માં ગોલ્ડ મેડલ દિગ્ગજ શુટ અભિનવ બિન્દ્રાએ મેળવ્યો હતો.
મહિન્દ્રા ગ્રુપના ચેરમેન આનંદ મહિન્દ્રા મહેરબાન
મહિન્દ્રા ગ્રુપના ચેરમેન આનંદ મહિન્દ્રાએ પણ કંપનીની આગામી SUV XUV700 ને ભાલા ફેંક સ્પર્ધામાં દેશના સુવર્ણ ચંદ્રક વિજેતા નીરજ ચોપરાને ભેટ આપવાનું વચન આપ્યું છે. નીરજ ચોપરાએ મેડલ જીત્યાના થોડા સમય બાદ મહિન્દ્રાએ આ જાહેરાત કરી હતી. હકીકતમાં, ટ્વિટર પર તેના એક અનુયાયીએ મહિન્દ્રાને નીરજ ચોપરાને XUV700 ભેટ આપવા કહ્યું. જેના માટે આનંદ મહિન્દ્રાએ લખ્યું, "હા બિલકુલ. અમારા ગોલ્ડન એથ્લીટને XUV700 ની ભેટ આપવી એ અમારા માટે લહાવો અને સન્માન હશે. ”