જો આ કનેક્શન હશે તો બેસિક પેકમાં જ મળશે તમને અનલિમિટેડ ફ્રી ટૂ એર TV ચેનલ્સ

ટેલિકૉમ રેગ્યુલેટરી ઓથોરિટી ઑફ ઇન્ડિયા (TRAI) દ્વારા લાગૂ કરવામાં આવેલા DTH નિયમો કદાચ ટીવી સબ્સ્ક્રાઇબર્સને ખાસ પસંદ નથી કરવામાં આવી રહ્યા. પાછલા ઘણા દિવસોથી DTH અને કેબલ ગ્રાહકો દ્વારા નવા ટેરિફ નિયમો વિરુદ્ઘ અનેક ફરિયાદો સાંભળવા મળ છે. સબસ્ક્રાઇબર્સની  મુશ્કેલી દૂર કરવા માટે DTH ઑપરેટર્સ હવે બેઝ પેકમાં અનલિમિટેડ ફ્રી ટૂર એર ચેનલ આપવાનું શરૂ કર્યુ છે. 
 

એક રિપોર્ટ અનુસાર, બેઝ પેકમાં સૌથી પહેલા ફેરફાર TATA Sky દ્વારા કરવામાં આવ્યો છે. જે પછી બીજા ઘણા ઑપરેટર્સ બેઝ પેકને રિડિઝાઇન કર્યો છે. જેમાં Dish TVએ પણ 'મારુ પોતાનું પેક' નામથી બેઝ પેક જાહેર કર્યુ છે. સબ્સ્ક્રાઇબર્સ બેઝ પેકમાં પોતાની ઇચ્છાનુસાર જેટલી ધારે તેટલી ફ્રી ટૂ એર ચેનલ પસંદ કરી શકે છે. 

Dish TVની વેબસાઇટ અનુસાર, જો સબ્સ્ક્રાઇબરે કોઇ એક પેઇડ ચેનલ પસંદ કરી છે તો તેમની પાસેથી ફ્રી ટૂ એર ચેનલની નેટવર્ક કેપેસિટી ફી વસૂલવામાં નહી આવે. આ નવા પેકેજથી ગ્રાહકો પણ ખૂશ છે કેમકે તેમને ફ્રી-ટૂ-એર ચેનલ આ બેઝ પેકમાં બિલકુલ મફતમાં જોવા મળશે. 
 

જોકે આ યોજનાનો લાભ લેવા માટે પણ કેટલીક શરતો રાખવામાં આવી છે. જે અંરર્ગત સબ્સ્કાઇબર્સને હાલમાં 100 ચેનલ માટે TRAI દ્વારા નિર્ધારિત 130 રૂપિયા આપવા પડશે. જેમાં ટેક્સ જોડાતા કુલ રૂપિયા 153 થાય છે. જે પછી આ પેકમાં 100 ફ્રી ટૂ એર ચેનલ અથવા 50 HD ચેનલ મળશે. જ્યારે 20 રૂપિયા એક્સ્ટ્રા આપવા પર વધારાની 25 અન્ય ચેનલ આ પેકમાં એડ કરવામાં આવે છે.