બજાજ ઓટો અને હોન્ડા મોટર સાઈકલ એન્ડ સ્કૂટર ઈન્ડિયાએ કોરોના મહામારીના કારણે દેશના દરેક ડીલરશીપ પર વારંટી અને ફ્રી સર્વિસની સીમાને 31 જુલાઈ સુધી વધારી છે.
બજાજ ઓટો અને હોન્ડાએ ગ્રાહકોને આપી ખાસ સુવિધા
31 જુલાઈ સુધી ફ્રીમાં કરાવી શકાશે સર્વિસ
જાણો કેવી રીતે લેશો સ્કીમનો લાભ
બજાજ ઓટો અને હોન્ડા કંપનીએ પોતાના ગ્રાહકોને માટે ફ્રી સર્વિસની છેલ્લી તારીખ 31 જુલાઈ રાખી છે. આ તારીખને હવે ગણતરીના દિવસો બાકી છે. એવામાં જો તમે હજુ સુધી ટુ વ્હીલરની ફ્રી સર્વિસનો ફાયદો નથી લીધો તો તમે આજે જ આ કામ કરી લો. બજાજ ઓટો અને હોન્ડાના અનુસાર કોરોના વાયરસની બીજી લહેરમાં લગાવાયેલા લોકડાઉનને કારણે કંપનીએ આ પગલું લીધુ છે. આ પછી જે ગ્રાહકોની ફ્રી સર્વિસ ડ્યૂ છે તે દરેક ગ્રાહકો આ સ્કીમનો લાભ લઈ શકે છે.
2 મહિના સુધી વધારી ફ્રી સર્વિસ
બજાજ ઓટોના જણાવ્યા અનુસાર ગયા વર્ષની જેમ આ વર્ષે પણ આ ફ્રી સર્વિસની સીમાને 2 મહિના માટે વધારી છે. અમારા દરેક ગ્રાહકોને ભરોસો અપાવીએ છીએ કે તેમના વાહનોની દેખરેખ સારી રીતે કરાશે. કંપનીએ નક્કી કરીને કહ્યું કે દેશભરમાં તેની ડીલરશીપ દ્વારા તેમના દરેક ગ્રાહકોને ફ્રી સર્વિસની વધારેલી સમયસીમાનો લાભ મળશે.
હોન્ડાએ પણ વધાર્યો સમય
આ પહેલા પણ હોન્ડા મોટર સાયકલ એન્ડ સ્કૂટર ઈન્ડિયાએ કોરોના મહામારીની બીજી લહેરમાં દેશમાં દરેક ડીલરશીપ પર વોરંટી અને ફ્રી સર્વિસની સીમા 31 જુલાઈ સુધી વધારવાની જાહેરાત કરી હતી. કંપનીએ કહ્યું કે જે પણ ગ્રાહકોને ફ્રી સર્વિસ આ સમયે બાકી રહી છે તેઓ 31 જુલાઈ સુધી કરાવી શકશે. પહેલા આ તારીખ 31 મે 2021 રખાઈ હતી.