મહામારી / ભૂલી તો નથી ગયા ને ! આવતીકાલથી શરુ થઈ રહ્યું આ મોટું કામ, વહેલી તકે કરી લેજો પુરું

• 21 જુનથી દેશમાં બીજા તબક્કાનું વેક્સિનેશનનું કામ શરુ થશે
• 18 થી વધુ વયના લોકો વેક્સિન સેન્ટર પર જઈને વેક્સિન લઈ શકશે
• કોવિન એપ પર રજિસ્ટ્રેશન જરુરી નહીં 

પ્રધાનમંત્રી મોદીએ 7 જુને એવી જાહેરાત કરી હતી કે 21 જુનથી દેશમાં તમામ લોકોને વેક્સિન ઉપલબ્ધ કરાવવામાં આવશે.

21 જૂનથી 18 વર્ષથી વધુ વયના તમામ લોકોને મફત વેક્સિન આપવાનું કામ શરુ થઈ જશે. સારી વાત એ છે કે તેને માટે કોવિન એપ પર રજિસ્ટ્રેશનની પણ જરુર નથી. વેક્સિનેશન સેન્ટર પર જઈને નોંધણી કરાવી શકાય છે અને તે જ દિવસે વેક્સિન લઈ શકાય છે. 

કેન્દ્ર સરકારે 75 ટકા વેક્સિન ખરીદીને રાજ્યો તથા કેન્દ્રશાસિત પ્રદેશોમાં વિતરીત કરશે. દેશમાં પહેલા તબક્કાનું વેક્સિનેશન 16 ફેબ્રુઆરીથી 30 એપ્રિલ સુધી ચાલ્યું હતું. કેન્દ્ર સરકારે વેક્સિન ઉત્પાદકો પાસેથી 100 ટકા વેક્સિન ખરીદીને રાજ્યોને પૂરી પાડી હતી. 

પ્રથમ તબક્કો 16 જાન્યુઆરીથી 30 એપ્રિલ સુધી ચાલ્યો
ભારતમાં કોરોના રસીકરણનો પ્રથમ તબક્કો 16 જાન્યુઆરીથી 30 એપ્રિલ સુધી ચાલ્યો હતો. આ દરમ્યાન કેન્દ્ર સરકારે રસીકરણ કંપનીઓ પાસેથી વેક્સિનની 100 ટકા ખરીદી કરી હતી અને રાજ્યો અને કેન્દ્ર શાસિત પ્રદેશોને મફતમાં રસી વિતરણ કરી હતી. પ્રથમ તબક્કામાં ફ્રન્ટલાઈન વર્કસ અને 45 વર્ષથી વધુની ઉંમરના લોકોને પ્રાથમિકતા આપવામાં આવી હતી.

વેક્સિનનું સંચાલન કરવામાં પડી મુશ્કેલી
વેક્સિનની ખરીદીની નીતિમાં ફેરફાર સંદર્ભે સ્વાસ્થ્ય મંત્રાલયે કહ્યું, ઘણાં રાજ્યોએ હવે કહ્યું છે કે તેમણે નાણાં એકત્રિત કરવા, વેક્સિનની ખરીદી અને તેના સંચાલનમાં ઘણી મુશ્કેલીઓનો સામનો કરવો પડી રહ્યો છે. જેના કારણે રાષ્ટ્રીય કોવિડ રસીકરણ કાર્યક્રમની ગતિ પર પણ અસર પડી છે. એવુ પણ ધ્યાને આવ્યું છે કે નાની અને ખાનગી હોસ્પિટલોને પણ પરેશાનીનો સામનો કરવો પડ્યો છે.