સુરત સહિત રાજ્યભરમાં એક સમયે સ્કૂલોની વધતી ફીને લઇને વાલીઓ દ્વારા લડત ચલાવામાં આવી હતી. જેને લઇને FRCએ સ્કૂલો પર ફીને લઇને અંકુશ લગાવાને લઇને વાલીઓને આશ્વાસન આપવામાં આવ્યું હતું. જો કે FRC દ્વારા સુરતની સ્કૂલોની ચાલુ સત્રની ફી જાહેર કરવામાં આવી છે. જો કે આ ફીમાં કોઇ ઘટાડાને લઇને ફેરફાર ન કરાતાં વાલીઓમાં નિરાશા જોવા મળી છે.
ફી નિર્ધારણ સમિતિનો વાલીઓને ઠેંગો
FRCએ શાળાઓની વઘારા સાથે ફી જાહેર કરી
ફી ઓછી કરવાની મોટી લડતો બાદ પણ નથી બદલાઇ સ્થિતિ
સુરત ખાતે વાલીઓમાં નિરાશા જોવા મળી
સુરતમાં ફી નિર્ધારણ સમિતિ દ્વારા ફી નક્કી કરવામાં આવી છે. આમ ફીમાં કોઇ ઘટાડાને લઇને ફેરફાર ન થતાં વાલીઓમાં નિરાશા જોવા મળી છે. 2017માં સરકાર દ્વારા ફી ઓછી લેવા માટે પહેલ કરાઇ હતી. ત્યારે સરકારની પહેલ સામે શાળા સંચાલકોએ પણ વિરોધ કર્યો હતો. જ્યારે વાલીઓએ ફી ઓછી કરવા લડત ચલાવી હતી.
મોટી લડત ચલાવા છતાં સ્થિતિમાં કોઇ ફેરફાર નહીં
આમ જે તે સમયે મોટી લડત ચલાવી હોવા બાદ પણ સ્થિતિ બદલાઇ નથી. જ્યારે ફી નિર્ધારણ સમિતિ સ્કૂલોને તગડી ફીને મંજૂર કરી રહી છે. સંચાલકો પોતાની નક્કી કરેલી ફી કરતાં વધુની દરખાસ્ત કરે છે. આ સામે શાળા સંચાલક દ્વારા દરખાસ્ત સામે નજીવી ફી ઓછી કરવામાં આવી રહી છે.
FRCએ સુરતની સ્કૂલોની ફી જાહેર કરી
એફઆરસી દ્વારા સુરતની સ્કૂલોની ચાલુ સત્રની ફી જાહેર કરાઈ છે. જેમાં તાપ્તિવેલી શાળાની ફાઇનલ ફી 83 હજારથી 1.78 લાખ કરાઈ છે. એફઆરસી દ્વારા 95,870 થી 1,48,890 મંજૂર કરાઇ છે. જ્યારે દિલ્લી પબ્લીક સ્કુલની 70 હજાર 520 થી 1 લાખ 28 હજાર ફી મંજૂર કરાઈ છે. આશાદીપ-નાના વરાછા 25 હજાર થી 78 હજાર 640 મંજૂર કરી છે. આશાદીપ-મોટા વરાછામાં 20 હજાર 980 થી 78 હજાર 640 મંજૂર કરવામાં આવી છે.
શ્રી સ્વામિનારાયણ એકેડમિક 41 હજાર થી 66 હજાર સુધી મંજૂર કરાઈ. ગજેરા ઇન્ટર સ્કૂલ-કતારગામમાં 29 હજાર થી 47 હજાર મંજૂર કરાઈ છે. જ્યારે ઉન્નતિ એકેડમિક અંગ્રેજી માધ્યમમાં 38 હજાર 990 થી 30 હજાર 650 મંજૂર કરી છે. અંકુર વિદ્યાભવનમાં 25 હજાર થી 30 હજાર મંજૂર કરાઈ છે. એચ જે ગજેરા ઉતરાણમાં 16 હજાર 890 થી 29 હજાર 960 મંજૂર કરાઈ છે.