'ફી' માળખુ / શાળાઓ દ્વારા બેફામ ફી વધારા પર લગામઃ વધારેલી ફી વાલીઓને પરત કરવી પડશે

• દક્ષિણ ગુજરાતની વિવિધ શાળાઓનું ફી માળખું જાહેર
• FRC દ્વારા જાહેર કરાયું અંતિમ ફીનું માળખુ
• ફીમાં સરેરાશ 10થી 50ટકાનો ઘટાડો

દક્ષિણ ગુજરાતની વિવિધ શાળાઓનું ફી માળખુ જાહેર કરી દેવાયું છે. FRC ( Fee Regulatory Committee ) દ્વારા જાહેર અંતિમ ફીનું માળખું તૈયાર કરાયું છે. 

2017થી 2020 સુધીની ફીમાં સરેરાશ 10થી 50 ટકાનો ઘટાડો

2017-18, 2018-19, 2019-20ની ફીમાં સરેરાશ 10થી 50ટકાનો ઘટાડો કરવામાં આવ્યો છે. ફીનો ઘટાડો કરાતા વાલીઓને રાહત મળી છે. શાળાઓ દ્વારા કરાતા બેફામ ફી વધારાને પગલે વાલીઓની કમર તુટી જતી હતી પરંતુ તેના પર રોક લગાવવાથી વાલીઓમાં ખુશીની લાગણી જોવા મળી હતી. 

શાળા સંચાલકોએ ડિફરન્સ ફી પરત કરવી પડશે

શાળા સંચાલકોએ હવે ડિફરન્સની ફી પરત કરવી પડશે. રેડિયન્ટ સ્કૂલની પ્રપોઝ્ડ ફીમાં 18 હજારનો ઘટાડો કરાયો છે. જ્યારે આશાદીપ વિદ્યાલયની પ્રપોઝ્ડ ફીમાં 35 હજારનો ઘટાડો કરવામાં આવ્યો છે. સંસ્કાર તીર્થ શાળાની પ્રપોઝ્ડ ફીમાં 32 હજાર અને માઉન્ટ લીટેરા સ્કૂલની પ્રપોઝ્ડ ફીમાં 40 હજારનો ઘટાડો કરવામાં આવ્યો છે.