મેસેજમાં અમુક બેન્કમાં 1 કરોડની રકમ ટ્રાન્સફર કરવાનું કહ્યું
અધિકારીએ જોયા જાણ્યા વગર 1 કરોડની રકમ ટ્રાન્સફર કરી નાખી
ક્યારેય મોટા માણસને પણ છેતરપિંડીનો ભોગ બનવું પડતું હોય છે. દેશના જાણીતા ઉદ્યોગપતિ અદાર પૂનાવાલા સાથે પણ 1 કરોડના ફ્રોડની ઘટના બની છે. શખ્સે સિરમના અધિકારીને ટાર્ગેટ કરીને અદાર પુનાવાલા પાસેથી 1 કરોડ ખંખેરી લીધા હતા. દેશમાં કોરોના સહિત બીજી બીમારીઓની વેક્સિન બનાવતી પુણે ખાતેની કંપની સિરમ ઈન્સ્ટીટ્યુટ અને તેના માલિક અદાર પૂનાવાલાને નામે એક શખ્સે 1 કરોડનો ફ્રોડ કર્યો હતો.
ઠગભગતે સીરમ ઈન્સ્ટિટ્યૂટ ઓફ ઈન્ડિયા ચીફ એક્ઝિક્યુટિવ ઓફિસર અદાર પૂનાવાલાના નામે મેસેજ મોકલીને અને પૈસા ટ્રાન્સફર કરવાની માગણી કરીને એક કરોડ રૂપિયાથી વધુની છેતરપિંડી કરી હોવાનું પુણે પોલીસે શનિવારે જણાવ્યું હતું. બુંદગાર્ડન પોલીસ સ્ટેશનના એક અધિકારીએ જણાવ્યું હતું કે, બુધવાર અને ગુરુવારની બપોરની વચ્ચે આ છેતરપિંડી બહાર આવી હતી. એફઆઈઆર અનુસાર, સિરમના ડિરેક્ટર સતીશ દેશપાંડેને અદાર પૂનાવાલાને નામે એક વ્યક્તિ તરફથી વોટ્સએપ મેસેજ આવ્યો હતો અને શખ્સે તેમને જણાવેલા ખાતામાં 1 કરોડની રકમ તાત્કાલિક ટ્રાન્સફર કરવાનો ઓર્ડર આપ્યો હતો. સતીશ દેશપાંડેએ આ વાતને સાચી માની લીધી હતી કારણ કે તેમને તો એમ હતું કે અદાર પૂનાવાલાએ તેમને આવું કરવાનો ઓર્ડર આપ્યો છે પરંતુ તેઓ થાપ ખાઈ ગયા અને તેમણે જોયા જાણ્યા વગર 1 કરોડની રકમ ટ્રાન્સફર કરી નાખી હતી પછીથી જ્યારે ખબર પડી કે અદાર પૂનાવાલાએ આવો તો કોઈ ઓર્ડર આપ્યો ત્યારે તેઓ કાપો તો લોહી ન નીકળે તેવા બની ગયા હતા.
Fraudsters dupe vaccine-maker Serum Institute of India of more than Rs 1 crore by sending messages in name of its CEO Adar Poonawalla and asking for transfer of money: Pune Police
પોલીસ ફરિયાદ દાખલ
સિરમ જે પુણે નજીક પ્લાન્ટ ધરાવે છે, તે અન્ય રસીઓની સાથે કોરોનાની કોવિશિલ્ડ રસીનું ઉત્પાદન કરે છે. સિનિયર ઇન્સ્પેક્ટર પ્રતાપ માંકરે જણાવ્યું હતું કે, અજાણ્યા શખ્સો સામે છેતરપિંડી અને ઇન્ફર્મેશન ટેકનોલોજી એક્ટ હેઠળના ગુનાઓ માટે ફર્સ્ટ ઇન્ફર્મેશન રિપોર્ટ (એફઆઇઆર) નોંધવામાં આવ્યો છે.