ઓનલાઈન ફ્રોડ / લોકડાઉનનો લાભ ઉઠાવી ગુજરાતીઓ સાથે 120 કરોડની છેતરપીંડી, સાઈબર ક્રાઈમને મળી અધધ ફરિયાદ

• સાયબર ક્રાઈમને મળી સફળતા
• સાયબર ક્રાઇમને 15,000 ફરિયાદો મળી
• સાયબર આશ્વસ્થ પ્રોજેક્ટ હેઠળ ન્યાય મળ્યો

લોકડાઉનમાં સૌથી વધુ લોકો સાયબર ક્રાઇમનો ભોગ બન્યા હોવાની ફરિયાદો સાયબર ક્રાઈમમાં આવી હતી..ત્યારે જાન્યુઆરીથી જુલાઈ સુધીમાં સાયબર ક્રાઈમને 15 હજારથી વધુ ફરિયાદો મળી છે. ઠગાઈ કરનારા કસ્ટમર કેર ,PAYTM, OLXમાં સ્કીમોનાં બહાને લોકોને લૂંટતા હોવાની ફરિયાદો મળી હતી. 

પોલીસનાં સાયબર આશ્વસ્થ પ્રોજેક્ટ હેઠળ એવા તમામ લોકોની ફરિયાદ નોંધીને તેમને ન્યાય અપાવાની કોશિશ કરી હતી. સાયબર ફ્રોડનાં ભોગ બનનારના પોલીસે 15 કરોડ 70 લાખ પરત કર્યા છે. અત્યાર સુધીમાં 120 કરોડ રૂપિયા ગુજરાતીઓએ આ ઠગબાજો પાસે ગુમાવ્યા છે. અને આ હેલ્પલાઈનમાં અત્યાર સુધી 30 હજારથી વધુ કોલ આવી ચુક્યા છે.

સાયબર ક્રાઇમ એટલે શું? 

મોબાઇલ, કોમ્પ્યુટર, લેપટોપ, ટેબલેટ દ્વારા ઇન્ટરનેટના માધ્યમ વડે કોઇપણ પ્રકારની લાલચ, છેતરપીંડી, ધાક-ધમકી, નાણાકીય ફ્રોડ, અપમાનજનક ભાષાનો પ્રયોગ, પાસવર્ડ કે અન્ય ડિજિટલ ડેટાની ચોરી કરવી જેવા ગુના એટલે સાયબર ક્રાઇમ.

સજા અને કલમ

કલમ - 66 કોમ્પ્યુટર સિસ્ટમ્સ હેકિંગ, ડેટા ફેરફાર

સજા : 3 વર્ષ કેદ અથવા 5,00,000 રૂપિયા દંડ

કલમ – 66 બી

કલમ – 66 B કોઈ વ્યક્તિ કમ્પ્યુટર સ્રોત અથવા સંચાર સાધન જે ચોરી કરવામાં  આવેલ  હોય તે મેળવે અથવા જાળવી રાખે

સજા : 3 વર્ષ કેદ અથવા  1,00,000 રૂપિયા દંડ

કલમ – 66 સી

કલમ – 66 C કોઈ વ્યક્તિ અન્ય વ્યક્તિ નો પાસવર્ડ, ડિજિટલ હસ્તાક્ષર અથવા અન્ય યુનિક આઇડેન્ટિફિકેશનનો  ઉપયોગ કરે

સજા : 3 વર્ષ કેદ અથવા  1,00,000 રૂપિયા દંડ

કલમ – 66 ડી
કલમ – 66 D કોઈ વ્યક્તિ એક કોમ્પ્યુટર સંસાધન અથવા કમ્યુનિકેશન સાધનની મદદથી કોઈને છેતરે

સજા : 3 વર્ષ કેદ અથવા 1,00,000 રૂપિયા દંડ

કલમ – 66 ઈ
કલમ – 66 E કોઈ વ્યક્તિ અન્ય કોઈ વ્યક્તિની  છબીઓ તેના / તેણીના સંમતિ અથવા જ્ઞાન વિના મેળવે છે, અને પ્રસારણ અથવા પ્રકાશિત કરે

સજા : 3 વર્ષ કેદ અથવા  2,00,000 રૂપિયા દંડ

કલમ – 66 એફ
કલમ – 66 F સાયબર આતંકવાદ

ભારતની એકતા, અખંડિતતા, સાર્વભૌમત્વને નુકશાન કરવાના હેતુ સાથે ધમકી આપે અથવા સુરક્ષાને નુકશાનકર્તા કૃત્ય આદરે

સજા : આજીવન કેદ

કલમ – ૬૭
કલમ – 67 અશ્લીલ માહિતી ઇલેક્ટ્રોનિક સ્વરૂપમાં પ્રકાશિત કરવી

સજા : 5 વર્ષ કેદ અથવા 10,00,000 રૂપિયા દંડ

કલમ – 67 એ
કલમ – 67 A કોઈ વ્યક્તિ જાતીય કૃત્ય અથવા આચરણ ધરાવતી છબીઓ પ્રકાશિત અથવા પ્રસારણ કરે

સજા : 7 વર્ષ કેદ અથવા 10,00,000 રૂપિયા દંડ

કલમ – 67 બી
કલમ – 67 B બાળ પોર્ન પ્રકાશન અથવા બાળકો ની અશ્લીલ માહિતી ઇલેક્ટ્રોનિક સ્વરૂપમાં પ્રકાશિત કરવી

સજા : 5 વર્ષ કેદ અથવા 10,00,000 રૂપિયા દંડ