રાજકોટમાં રેલવેમાં નોકરી આપવાના બહાને યુવકો સાથે છેતરપિંડી થતી હોવાનું મોટું કૌભાંડનો પર્દાફાશ કરાયો છે. આંતરરાષ્ટ્રીય ગેંગના 6 લોકોની ધરપકડ
રાજકોટમાં નોકરીના બહાને યુવકોને છેતર્યા
આંતરરાજ્ય ગેંગના 6 આરોપીની ધરપકડ
રેલવેમાં નોકરી આપવાની અપાઈ હતી લાલચ
રાજકોટ ક્રાઈમબ્રાંચે નોકરીના નામે યુવકો સાથે છેતરપિંડી કરતી આંતરરાજ્ય ગેંગના 6 સભ્યોને ઝડપી લીધા છે. આરોપીઓ રેલવેમાં નોકરી આપવાના બહાને યુવકો સાથે છેતરપિંડી કરતા હોવાનો ખુલાસો થયો છે. એટલું જ નહીં તપાસમાં એ પણ સામે આવ્યું છે કે, આરોપીઓએ ઉત્તરપ્રદેશમાં બોગસ ટ્રેનિંગ સેન્ટર પણ બનાવ્યું હતું. જ્યારે ક્રાઈમબ્રાંચની ટીમે દરોડા પાડ્યા ત્યારે આરોપીઓ યુવકોને તાલીમ આપી રહ્યા હતા.
આરોપીઓએ પોતાના કૌભાંડની જાળ ગુજરાત ઉપરાંત રાજસ્થાન, મહારાષ્ટ્ર, ઉત્તરપ્રદેશ તેમજ પશ્ચિમબંગાળમાં પણ પાથરી છે. હાલ પોલીસે આરોપીઓ પાસેથી બોગસ સિક્કા અને કોમ્પ્યુટર સહિતો મુદ્દામાલ જપ્ત કરી વધુ તપાસ શરૂ કરી છે. તપાસમાં વધુ ચોંકાવનારા ખુલાસા થાય તેવી શક્યતા છે.
નકલી વેબસાઈટ દ્વારા સમગ્ર કૌભાંડ ચાલતુ હતું
રાજકોટ ક્રાઈમ બ્રાંચ દ્વારા 5 દિવસથી એક કૌભાંડનો પર્દાફાશ કરાયો છે. જેમાં 8 જેટલા લોકોએ 15 લાખ રૂપિયા આપીને રેલવેમાં નોકરી પ્રાપ્ત કરાઈ હતી. આ કૌભાંડમાં એક નકલી વેબસાઈટ બનાવવામાં આવી હતી. ભરતી માટે એક ખોટી વેબ સાઈટ બનાવવામાં આવી હતી. જેના મારફતે નોકરી માટે ઈચ્છુંક લોકોને ભરમાવવામાં આવતા હતા.
જે લોકો આ સંકજામાં આવતા, તેમનું મેડિકલ ટેસ્ટ સહિતની પ્રક્રિયા પણ કરવામાં આવતી હતી. જે બાદ એક ઓફર લેટર પણ આપવામાં આવતો હતો. અને ટ્રેનિંગ માટે લખનૌ લઈ જવાતા હતા. જ્યાં નકલી ટ્રેનિંગ સેન્ટર ઉભું કરવામાં આવ્યું હતું. અને ટ્રેનિ પગાર પણ અપાતો હતો. સમગ્ર કૌભાંડમાં લખનૌ હિમાન્શુ પાંડે, શશિકાન્ત ગુપ્તા સહિત એક આરોપીની ધરપકડ કરાઈ છે. રાજકોટમાંથી પણ શૈલેષ અને અમદાવાદમાંથી કલ્પેશની ધરપકડ કરાઈ છે.
કુલ 42 લોકો સાથે દેશભરમાં રેલવેમાં નોકરી બદલ કરાઈ છેતરપીંડી