ગુજરાતીઓને અમેરિકા જવાનો ક્રેઝ કેટલો છે તે બધા જાણે છે અને અમેરિકા જવા માટે કેટલાક લોકો ગમે તે કરી છૂટવા તૈયાર થઈ જતા હોય છે. કાયદેસર રીતે વિઝા ના મળે તો તેઓ લાખો રૂપિયા ખર્ચીને ગેરકાયદેસ અમેરિકામાં ઘૂસણખોરી કરતા અચકાતા નથી.
અમેરિકામાં ટૂરિસ્ટ વિઝા મેળવવાની ઘેલછામાં ૧૫ લાખ ખર્ચ્યા પછી ન્યૂ રાણીપમાં રહેતા દંપતીને હવે જેલના સળિયા ગણે તેવી શક્યતા છે. રાણીપના દંપતીએ અમેરિકાના વિઝા લેવા માટે પાસપોર્ટમાં ચીન, સ્વિત્ઝર્લેન્ડ, ઓસ્ટ્રેલિયાના બોગસ વિઝા લગાવીને અમરેકિન એમ્બેસીમાં રજૂ કરતા હવે તેમની સામે છેતરપિંડી સહિતની અલગ અલગ કલમ હેઠળ ગુનો નોંધાયો છે.
ફરિયાદ નોંધાવનાર બ્રેન્ડન કેલી શોએ જણાવ્યું છે કે વિઝા અને પાસપોર્ટને લગતા ફ્રોડના કેસ યુ.એસ. કોન્સ્યુલેટ મોકલે તેની તપાસ કરવાનું કામ કરે છે. ન્યૂ રાણીપમાં આવેલ મલય હિલ્સમાં રહેતા પુષ્પેન્દ્રકુમાર પટેલ અને તેમનાં પત્ની કીર્તિબહેન પટેલ અને તેમનાં બે બાળકો રાજવી અને રાજ સંયુક્ત પરિવારમાં રહે છે.
પુષ્પેન્દ્રકુમાર પટેલ અને તેમનાં પત્ની કીર્તિબહેન પટેલને યુ.એસ.એ.ના ટૂરિસ્ટ વિઝા માટેનું ઈન્ટરવ્યૂ હોવાથી તા.૧૦-૧૦-૨૦૧૮ના રોજ કોન્સ્યુલેટ ઓફિસર સમક્ષ હાજર રહ્યા હતા. ઈન્ટરવ્યૂમાં તેઓએ પૂછવામાં આવ્યું હતું કે પુષ્પેન્દ્રકુમાર પટેલ તેમની પુત્રી અને તેનો દીકરો સ્પેન, ચીન , સ્વિટ્ઝર્લેન્ડ અને ઓસ્ટ્રેલિયાના ટૂરિસ્ટ વિઝા પર ટ્રાવેલિંગના વિઝા ધરાવે છે અને તેઓ અલગ અલગ જગ્યાએ વિદેશ પણ ગયા છે. તેમના પાસપોર્ટમાં તે જે તે દેશના બોગસ વિઝા અને સ્ટેમ્પ પણ લગાવ્યા હતા.
પરંતુ ઇન્ટરવ્યૂમાં પુષ્પેન્દ્રકુમાર સ્પેન, ચીન, સ્વિટ્ઝર્લેન્ડ અને ઓસ્ટ્રેલિયા ગયાં છો તેમ પૂછતાં તેઓ ક્યારે ગયાં નથી તેમ જણાવ્યું હતું. ઈન્ટરવ્યૂમાં ઓફિસરે આ દેશોની ટ્રિપ અંગેનો પ્રશ્ન પૂછતાં પુષ્પેન્દ્રકુમાર જવાબ આપી શક્યા ન હતા.
પુષ્પેન્દ્રકુમારે સ્વીકાર્યું કે પાસપોર્ટમાં લાગેલા દેશોના વિઝા સ્ટેમ્પ ખોટા છે. આ ન્યૂ રાણીપ કૃષ્ણમ સ્ટેટ્સમાં રહેતા એજન્ટ પરિમલ પટેલે વિઝાના ખોટા સિક્કા મારી આપ્યાં હતા. આ માટે પુષ્પેન્દ્રભાઈએ પરિમલભાઈને ૧૫ લાખ રૂપિયા પણ આપ્યાં હતા. પોલીસે ફરિયાદના આધારે ગુનો દાખલ કરી તપાસ હાથ ધરી છે.
ઉલ્ખનીય છે કે આ આગાઉ પણ યુ. એસ. રહેતાં દંપતીને ખોટી રીતે પુત્રી અને જમાઈ બતાવી વિઝા લેવાનો પ્રયાસ કરનાર મહેસાણાના દંપતી અને પાસપોર્ટમાં ખોટા વિઝા સ્ટેમ્પ મારી યુ.એસ. ના વિઝા લેવાનો પ્રયાસ કરનાર સોખડાના રહેવાસી અને એજન્ટ સામે ફરિયાદ નોંધાવી હતી. અમદાવાદ શહેરમાં એજન્ટોનો રાફડો ફાટ્યો છે અને અમેરિકા સહિતના દેશોના વિઝા આપવવાના બહાને લોકો સાથે છેતરપીંડી કરવાના અનેક બનાવ શહેરમાં બન્યા છે.
આ અગાઉ ગુજરાતીઓ અમેરિકામાં પોતાની સંસ્કૃતિના જીવત રાખવા માટે કલ્ચર એક્ટિવિટી કરવામાં આવે છે.ત્યારે તુ ફ્રેન્ડસ ઓફ ગુજરાતના નામે અમેરિકા લઈ જવાનું કહી છંતરપીડી કરવામાં આવી છે.ફ્રેન્ડસ ઓફ ગુજરાત વાઈસ પ્રેસિન્ડન્ટે સતિષ મોરીએ નવરંગપુરા પોલીસ સ્ટેશનમાં ફરિયાદ નોંધાવી હતી.
શહેરમાંથી અન્ય દેશમાં અભ્યાસ માટે કે પછી ટુરિસ્ટ તરીકે ફરવા જવા માટે લાખો રુપિયા આંખ બંધ કરીને એજન્ટને આપી દે છે, જયારે વિઝા લેવાં જવાનું થાય ત્યારે તેમની સાથે છેતરપિંડી થતી હોય છે અને શહેરમાંથી ઘણા લોકોના લાખ્ખો રૂપિયા એજન્ટો ચાઉં કરી ગયા છે.