સાવધાન / મેં જીવનની મરણ મૂડી યોજનામાં નાખી દીધી અને બિલ્ડરો ગાડીઓમાં ફરે છેઃ સાણંદમાં વિલેની સ્કીમના નામે છેતરપીંડી

• સાણંદ નળસરોવર રોડ પર સરોવર વિલેની સ્કીમના નામે છેતરપીંડી
• રેથળ ગામ નજીક પ્લોટ આપવાના બહાને છેતરપિંડીનો આક્ષેપ
• પ્લોટ આપવાના બહાને શખ્સોએ 50થી વધુ લોકો સાથે છેતરપીંડી કરી

સાણંદ નળસરોવર રોડ પર સરોવર વિલેની સ્કીમના નામે છેતરપીંડીની ઘટના સામે આવી હતી. રેથળ ગામ નજીક પ્લોટ આપવાના બહાને છેતરપિંડીનો આક્ષેપ થઈ રહ્યા છે. પ્લોટ આપવાના બહાને શખ્સોએ 50થી વધુ લોકો સાથે છેતરપીંડી કરી દીધી હતું. વિલેમાં સરોવર અને સનય સ્કીમ દર્શાવીને છેતરપીંડિ આચરી દીધી છે. લોભામણી સ્કિમમાં ગ્રાહકો પાસે 500 વારના પ્લોટના રૂ.9.20 લાખ પડાવ્યા હતા. લોભામણી જાહેરાતો આપીને છેતરપીંડી આચરાતી હોવાનો ગ્રાહકોએ દાવો કર્યો હતો. તમામ લોકોએ ગ્રાહક સુરક્ષા અને પગલાં સમિતિને રજૂઆત કરી છે. 

જો તમે કોઈ પ્લોટમાં રોકાણ કરવા ઇચ્છતા હોય તો જરા ચેતજો.  કેમ કે આવી જ રીતે પ્લોટમાં રોકાણ કરનાર લોકો હાલ પ્લોટિંગ સ્કીમ બહાર પાડનાર સામે આક્ષેપો કરી રહ્યા છે. તેમનો આક્ષેપ છે કે 12 વર્ષ થયાં રોકાણને છતાં કેટલાકને પ્લોટ નથી મળ્યા તો બ્રોસર પ્રમાણે દર્શાવવામાં આવેલી સુવિધાઓ પણ ઉભી નથી કરાઈ. જેને લઈને આજે આવા લોકોએ ન્યાય માટે ગ્રાહક સુરક્ષા અને પગલાં સમિતિના દ્વાર ખખડાવ્યા છે.

જીહા. કોરોના કાળ પહેલા લોકો વિવિધ ક્ષેત્રે રોકાણ કરતા હતા જેથી ભવિષ્યમાં તેઓનર તકલીફ ન પડે. જે આશયથી કેટલાક મકાન લેતા તો કેટલાક પ્લોટ તો કેલાક દુકાન લેતા. આવી જ રીતે શહેરના કેટલાક લોકોએ નળસરોવર રોડ પર એટલે કે સાણંદમાં રેથલ ગામ પાસે 2010 પહેલા બહાર પડેલ સ્ટર્લિંગ ગ્રીનવુડ નામની સ્કીમમાં પ્લોટ લઈને રોકાણ કર્યું. જ્યારે તેઓને વિવિધ પ્રકારની સુવિધાઓ આપવાના દાવા કરાયા તો બ્રોસર પણ અપાયા. ત્યારે આજે તેમાંના જ કેટલાક લોકોએ સ્કીમના માલિકો પર આક્ષેપ કર્યા છે. રોકાણ કરનાર લોકોના આક્ષેપ છે કે, તેઓએ 2010માં પ્લોટ લઈને નાણાં આપી રોકાણ કર્યું જેને 12 વર્ષ થવા આવ્યા પણ હજુ સુધી કેટલાકને પ્લોટ નથી મળ્યા. તો બ્રોસર પ્રમાણે સુવિધા પણ સ્કીમમાં ઉભી નથી કરવામાં આવી. જેની રોકાનકર્તાઓએ માલિકને જાણ કરી જોકે બાદમાં અવાર નવાર સંપર્ક છતાં યોગ્ય પરરીસાડ નહિ મળતા પોતાની સાથે છેતરપિંડી થયાનું જણાઈ આવતા રોકાણ કારોએ ગ્રાહક સુરક્ષા અને પગલાં સમિતિના દરવાજા ખખડાવી ન્યાયની માંગ કરી.

મહત્વનું છે કે સાણંદ નળસરોવર રોડ પર પ્લોટ સ્કીમ ઉભી કરીને તેના રોકાણ કરશે. તેમને આગામી વર્ષમાં રોકાણ કર્યાં કરતા વધુ ભાવ પ્લોટના મળશે તેવુ દર્શાવવામાં આવ્યું હતું. સાથે જ બ્રોસરમાં સ્વિમિંગ પુલ સહિત વિવિધ સુવિધાઓ કે જે મોટા એપાર્ટમેન્ટમાં હોય તે આપવાનો દાવો કરાયો. જોકે આટ આટલા વર્ષ થયાં છતાં આમથી કશું મળ્યું તો નહીં જ પણ રોકાણકારો તેમના નાણાં ફસાઈ ગયાનું માની રહ્યા છે. ત્યારે આ સમગ્ર મામલો ગ્રાહક સુરક્ષા અને પગલાં સમિતિમાં પહોંચતા સમિતિના પ્રમુખે આ પ્રકારના લોકોથી સાવધાન રહેવાની અપિલ કરીને 16 જેટલી મળેલી ફરિયાદ પ્રમાણે 16 નોટિસ સ્કીમના માલિકને આપી પ્રક્રિયા શરૂ કરી ભોગબનનારા વધુમાં વધુ લોકો સામે આવે તેવી પણ અપીલ કરી રહ્યા છે.